Hy het die voorreg van sy nuwe posisie beklemtoon, terwyl hy sy voorganger, Boeta du Toit, en die organisasie se personeel geloof het vir hul bydraes. 

Pienaar het bevestig dat verbeterde dienslewering aan lede as ’n kernfokus bly. 

“Ons wil beter dienste lewer, verhoudinge met vennote versterk, en verseker dat ons lede optimaal ondersteun word.”

Hy het ook lig gewerp op verwagte uitdagings, insluitend politieke onstabiliteit, swak munisipale dienslewering, en stygende misdaadvlakke. 

“Die droogte wat tans in die streek ervaar word, het reeds ’n beduidende impak op aanplantings en weidings, en kan een van die grootste uitdagings in 2025 wees.”

‘Elke burger se ondersteuning is nodig om voedselveiligheid te verseker’

Pienaar het die belangrikheid van samewerking benadruk en ’n oproep gerig aan die publiek om betrokke te raak by Agri Noordwes. “As dit sleg gaan met landbou, raak dit almal. 

Ons het elke burger se ondersteuning nodig om voedselveiligheid te verseker en oplossings te vind vir die uitdagings op die platteland.”

Hy het afgesluit met ’n boodskap van geloof en inspirasie: “Mag ons hoop gevestig bly in ons Skepper, wat altyd vir ons uitkoms gebring het. Ons gaan 2025 met vertroue aanpak, wetende dat Hy in beheer is.”

OFM Agri/Robyn Schutte mvh