Central SA
Vrystaatse polisie ondersoek stasiebevelvoerder─── TSHEHLA KOTELI 13:21 Thu, 03 Aug 2023
’n Senior span polisiebeamptes is aangestel om aantygings te ondersoek waarby die stasiebevelvoerder van die Ventersburg-polisiekantoor na bewering betrokke is.
Die ondersoek kom nadat ’n video op sosiale media versprei is van kapt. Francois Odendaal, die stasiebevelvoerder, wat ’n man in ’n tronksel ingooi. In die betrokke video sê die stasiebevelvoerder hy neem die man – die EFF se ondervoorsitter van die Lejweleputswa-streek, Rasake Ntauli – in hegtenis weens die aanranding op ’n polisiebeampte. Een van die mense in die agtergrond sinspeel egter daarop dat die stasiebevelvoerder nie eerlik is nie.
RACIST Captain Odendaal
— ?? Jenna ???? ???? (@jenna_original) August 2, 2023
Ventersburg Region assaulting a innocent black person who was there to report a murder case.@SAPoliceService@IPID_ZA pic.twitter.com/Y8LNgYnimY
Motantsi Makhele, Vrystaatse polisiewoordvoerder, sê die voorval het Vrydag (28/07) plaasgevind. “Die provinsiale polisiekommissaris, Baile Motswenyane, het mense aangestel om die saak vanuit ’n interne en misdadige perspektief te ondersoek.”
Die polisieverklaring lui: “In die video word beweer dat ’n man hardhandig deur die stasiebevelvoerder behandel is.”
Daar word beweer dat die stasiebevelvoerder Ntauli in hegtenis geneem het nadat hy na die stasiebevelvoerder se kantoor gegaan en hom begin rondstoot het. Die saak word intern ondersoek en die nodige stappe sal gedoen word, indien nodig.
Die twiet beweer dat Ntauli verlede week Vrydag die moord op ’n swart plaaswerker gaan aanmeld het, maar hy is gearresteer. Na bewering verswyg Odendaal dade van brutaliteit wat swart boere teiken.
Part 2 Ventersburg Region
— ?? Jenna ???? ???? (@jenna_original) August 2, 2023
RACIST Captain Odendaal
has a habit of shooting at black people. Last week Friday Rasake Ntauli went to report a murder of a black farm worker but instead he was arrested. Allegedly Odendaal conceals acts of brutality targeting black farmers. pic.twitter.com/rMNkbdvE3v
In ’n ander video word die stasiebevelvoerder gesien met ’n geweer, terwyl ’n groep mense skree: "Skiet weer!"
"Polisielede moet altyd dienooreenkomstig optree. Indien die lid enige dissiplinêre regulasies oortree het, sal hy ingevolge ons dissiplinêre regulasies hanteer word. Polisiebeamptes moet ook hul pligte uitvoer en nie deur die gemeenskap geïntimideer, versteur of aangerand word nie. Dit is ’n misdaad. Die saak sal met die dringendheid hanteer word wat dit verdien," sê Motswenyane.
