Central SA
Donkie uit Vaal-vloed gered─── 17:42 Mon, 20 Feb 2023
Die donkie wat 'n paar dae gelede uit die Vaalrivier gered is. FOTO: Facebook / Vaal River Rats South Africa
'n Donkie wat deur vloedwater in die Vaalrivier meegesleur is, is lewendig in die Loch Vaal-omgewing gevind.
‘n Video wat op Facebook-bladsy van Severe Weather and Information Centre SA versprei is, wys hoe die donkie met sy kop wat net-net bo die water uitsteek, onder deur ‘n brug dryf.
‘n Ander video wat op die Vaal River Rats South Africa se Facebook-bladsy geplaas is, wys hoe mense met ‘n boot die donkie aan wal bring en dit uit die water sleep.
Die Vaal River Rats sê baie mense het hulp nodig het: “Aan almal wat uit is om mense te red, dankie, absolute helde en dit is hoe 'n gemeenskap saamstaan.”
