South Africa
Polisievrou van versekeringsmoorde aangekla─── 15:16 Thu, 10 Oct 2024
’n Vermeende versekeringsmoordenaar en polisiesersant, wat Donderdagoggend in Limpopo in hegtenis geneem is toe sy vir diens aangemeld het, sal na verwagting Vrydag in die hof verskyn.
Daar word beweer dat sy tussen 2019 en 2024 versekeringspolisse uitgeneem het en die ses slagoffers, wat aan haar bekend was, vermoor het. Sy het na bewering tussen R1,5 miljoen en R3 miljoen per slagoffer in haar sak gesteek.
Die geld is glo gebruik om twee Range Rover-sportnutsvoertuie, ’n Toyota Land Cruiser, ’n BMW 3-reeks en ’n Mercedes Benz C-klas-voertuig te koop. Sy het na bewering vir almal met kontant betaal.
Nog twee vroue is later Donderdag in verband met die saak in hegtenis geneem. Hulle was na bewering fronte vir swendelary. Sy het die vroue aangesê om versekeringspolisse op hul ekskêrels te laat uitneem voordat sy hulle vermoor het.
#sapsHQ Police Sergeant arrested on insurance fraud murders. The National Police Commissioner, General Fannie Masemola, has welcomed the arrest of a 43yr-old Sergeant attached to a police station in Limpopo.
— SA Police Service ???? (@SAPoliceService) October 10, 2024
The Sergeant is expected to appear before the Polokwane District Court… pic.twitter.com/bkxL5izun7
Volgens News24 het die polisievrou (43) aanvanklik haar slagoffers, van wie sommige geestelik of fisiek gestremd was, geneem om begrafnispolisse te koop. “Sodra die dekkings goedgekeur is, sou sy na bewering versekeringsmaatskappye bel, die vier naboots en aansoek doen vir lewensdekking.
“’n Paar maande later sou die slagoffers vermoor word.”
Hulle is óf geskiet óf doodgeslaan. In een geval is ’n slagoffer in ’n hut aan die brand gesteek en ’n ander is geslaan en in ’n dam gegooi.
Sy het ook verseker dat lyke naby die omgewing van die Seshego-polisiestasie gevind word. “Sy het na bewering Seshego-polisiëringsgebied gekies, omdat daardie polisiestasie met baie moordsake te doen het en oorweldig is,” het die bron gesê.
[BREAKING NEWS] A female police officer has been arrested at the Senwabarwana Police Station in Limpopo. It's alleged that she orchestrated multiple murders to benefit from insurance claims and payouts. Newzroom Afrika's @sholwana_z reports.
— Newzroom Afrika (@Newzroom405) October 10, 2024
Watch: https://t.co/387vMqJ4Ir… pic.twitter.com/wlsggMJbrE
Sommige inwoners in Senwabarwana het hul skok uitgespreek oor haar inhegtenisneming. Sommige sê hulle het vertroue in die polisie verloor, berig die SAUK.
“Ek is sprakeloos, ek is teleurgesteld … dit is baie erg. Ek het nie meer vertroue in die polisiebeamptes van Senwabarwana nie.
“Ek is baie teleurgesteld. Vir ’n wetstoepasser om dit te doen … onthou dit is die mense wat ons gemeenskappe moet beskerm.”
Genl. Fannie Masemola, die nasionale polisiekommissaris, het die inhegtenisneming verwelkom. Hy sê die betrokkenheid van “ons eie” by sulke gruwelike misdaad is ’n skande.
Limpopo : Policewoman arrested for over 6 murders , she killed the people for Insurance money to allegedly claim payouts worth R10 million.#SA #PutinOwnsTrump #Mbare pic.twitter.com/pmEpvWqspD
— HEADMAN: (@Chief_headman) October 10, 2024
“As ’n polisiebeampte word die veiligheid en sekuriteit van gemeenskappe aan jou toevertrou. Vir ’n polisiebeampte, wat met só ’n groot verantwoordelikheid toevertrou is, om by sulke dade betrokke te wees, is ’n absolute skande.
“Sy het haar magte misbruik deur diegene wat haar vertrou het te verseker. Dit moet ’n sterk waarskuwing aan alle betrokkenes stuur dat die lang arm van die gereg jou sal vind en jou sal vang,” het Masemola gesê.
Die sersant sal na verwagting Vrydag (11/10) voor die Polokwane-distrikshof verskyn op ses aanklagte van moord en sowat sewentien sake van bedrog.
OFM Nuus mvh