Die vier verdagtes in die kaping en ontvoering van ’n Bethlehemse pastoor en sy vrou moet weer Woensdag (4/9) in die landdroshof op Sasolburg verskyn.

Tony Zwelethu Mahlangu (31), Andile Memane (31), Thabiso Gabriel Makoe (34), Xolani Sydney Ntsomi (41) bly in aanhouding tot hul volgende hofverskyning, sê Lorraine Earle, polisiewoordvoerder.

Past. Phillip Mashudu (55) en sy vrou, Elsie Mashudu (54), is Maandagaand ongedeerd in Everton in Gauteng gevind nadat hulle drie dae vantevore as vermis aangemeld is.

Die verdagtes is in hegtenis geneem op aanklag van ontvoering en kaping. Foto verskaf

Die egpaar se voertuig is die vorige dag in Sebokeng gevind, maar hulle was nêrens te sien nie. Ná verdere ondersoeke het die provinsiale taakspan drie verdagtes in Sharpeville in hegtenis geneem.

“Die span het hard gewerk in hul soektog en Maandag het ’n deurbraak gelei het tot die inhegtenisneming van drie mense in Sharpeville,” sê Motantsi Makhele, Vrystaatse polisiewoordvoerder.

‘Beamptes het beslag gelê op verskeie bankkaarte’

Nog ondersoeke deur die span het hulle gelei na ’n huis in Everton waar ’n vierde verdagte aangekeer is en die egpaar gevind is. Beamptes het beslag gelê op verskeie bankkaarte, ’n aansienlike bedrag kontant en ’n speelgoedgeweer.

Mashudu en sy vrou het Bethlehem verlede Vrydag verlaat in hul wit Mercedes-Benz GLS om ’n kerkkonferensie op Parys by te woon, maar hulle het nooit opgedaag nie. Die voertuig is twee dae later in Sebokeng gevind.

OFM Nuus dg