Estavi het die tweet gekoop met behulp van die kripto-geldeenheid ether en vergelyk die aankoop met die koop van ’n Mona Lisa-skildery.

Die Twitter-boodskap is as ’n nie-verwisselbare token (NFT) aan Estavi verkoop. ’n NFT is ’n unieke digitale sertifikaat wat aandui wie ’n foto, video of ander vorm van aanlynmedia besit.

Estavi het op die mikro-blog-webwerf geskryf: “Dit is nie net ’n twiet nie!”

“Ek dink mense sal jare later die ware waarde van hierdie twiet besef, soos die Mona Lisa-skildery.”

Dorsey het onthul dat hy van plan is om die opbrengs in Bitcoin om te skakel en dit dan te skenk aan die Give Directly Africa’s Response-fonds.

Die twiet is verkoop via die aanlyn platform Valuables, wat besit word deur die Amerikaanse maatskappy Cent.

Volgens die platform se bepalings sal Dorsey 95 persent van die opbrengs ontvang en Cent die res.

Die berig sal ten spyte van die verkoop op Twitter beskikbaar bly en sosiale media-kundiges het voorspel dat die neiging om twiets en ander aanlyn-berigte te koop, meer gewild sal word.

Cathy Hackl, stigter van die tegnologie-konsultasiefirma Futures Intelligence Group, het gesê: “Ons leef in ’n tyd waarin bekendes, musikante en beïnvloeders meer as net aanhangers het, hulle het ’n standvastigheid, en hulle sal ’n stuk van hul gunsteling-sterre wil besit.

“Net soos mense fisiese aandenkings koop, sal hulle hulle twiets, berigte en snaps koop omdat hulle naby aan daardie ster wil voel.”

Lees meer cg