Choi, ’n ouma van drie wat volgende maand 81 word, het nooit daarvan gedroom om haar land in die Miss Universe- skoonheidskompetisie te verteenwoordig nie, maar danksy veranderinge in die kompetisie se keuringsreëls kon sy dit doen.

Voorheen moes deelnemers tussen 18 en 28 jaar oud wees, maar weens die toenemende druk om meer inklusief te word, het Miss Universe dié reël geskrap, en sodoende byna enigiemand toegelaat om deel te neem. Afgesien van die opheffing van die ouderdomsverbod, is swanger vroue, en vroue wat al kinders gehad het of voorheen getroud was, ook toegelaat om mee te ding.

Choi hoop nou om ander te inspireer deur te wys dat gesondheid en lewenskragtigheid tot op ’n hoë ouderdom gehandhaaf kan word. 

“Noudat die ouderdomsbeperking opgehef is, het ek gesê: ‘Ek moet dit probeer.’”

“Of ek nou deurkom of nie, ek was vasbeslote om hierdie geleentheid te probeer gebruik,” sê Choi. “Om mooi van buite te lyk is belangrik, maar ek dink jy moet ook gemaklik in jou denke wees en weet hoe om ander te respekteer.”

Lees ook: Weird Wide Web – Vrou aangekla weens watergeweer-aanval

Terwyl dit die 80-jarige se eerste deelneme aan ’n skoonheidswedstryd is, werk sy al jare lank as ’n senior modemodel saam met tydskrifte soos Harper’s Bazaar en Elle, asook kommersiële veldtogte met verskeie Koreaanse handelsmerke. Dit het alles op 72-jarige ouderdom begin toe een van die pasiënte by die hospitaal waar sy as verpleegster gewerk het, aanbeveel het dat sy modelwerk moet doen.

“Een van my pasiënte het vir my gesê dat ek modelwerk moet probeer,” sê Choi. “Ek het gedink dit is nonsens … maar terselfdertyd het dit my ou droom wakker gemaak om ’n model te word, mooi klere te dra en fotosessies te doen.

Ek het dus gesê: “Ja, ek het vroeër daarvan gedroom, ek moet dit dalk probeer.”

Choi Soon-hwa het ’n paar modelklasse geneem en tydens werksbreke haar modelloop geoefen. Sy het op 74-jarige ouderdom haar debuut by die Seoul Fashion Week gemaak.

“Om ’n model te word, was vir my soos om ’n deur na ’n nuwe pad oop te maak, so ek het alles in my gedagtes beplan.”

Ek het vir myself gesê: “Ek sal suksesvol wees en hard werk … Toe my droom bewaarheid word, het ek God gedank en aangehou om te werk. Dit is so lekker; ek is mal daaroor,” vertel sy aan CNN.

Lees ook: Weird Wide Web – Ontmoet Ernesto, hy ruïneer troues teen betaling

Alhoewel Choi nie op 30 September die Mej. Heelal Korea-titel gewen het nie, het haar merkwaardige prestasie en dapper gees ’n blywende impak op die wêreld van mode en skoonheid gelaat, wat bewys dat drome geen vervaldatum het nie.

Lees meer oor hierdie storie deur hier te klik.

OFM Nuus mvh