Talle het gevrees dat die storm katastrofies sou wees maar dit was meer gematig as wat verwag is.

Die orkaan het Woensdag laat naby Siesta Key in Sarasota aan Florida se weskus as ’n kategorie 3-storm aangeland, met ’n aanvanklike windsterkte van 193 km/h. Dit het tot ’n kategorie 1-storm verswak en verby die Florida-skiereiland na die ooskus beweeg op pad na die Atlantiese Oseaan. 

Paaie is deur ontwortelde en gebreekte bome en kragdrade versper. Die dak van ’n bofbalstadion in Tampa is ook vernietig. Sowat drie miljoen huise en besighede was sonder krag. Tot dusver blyk dit die tornado’s, eerder as die vloedwater, is vir die sterftes verantwoordelik.

Aerial footage shows Hurricane Milton's damage to a Publix and homes in Palm Beach County, Florida.

Video 2: Hurricane Milton's tear of destruction across Florida left more than 3.4 million homes and businesses without power around 4 a.m. Thursday, according to… pic.twitter.com/FM5URY1yna

— Kristy Tallman (@KristyTallman) October 10, 2024

Volgens plaaslike owerhede is vyf mense in St. Lucie-distrik dood, drie in Volusia-distrik en twee in die stad St. Petersburg. Alejandro Mayorkas, minister van binnelandse veiligheid, het aan verslaggewers gesê die sterftes is deur die tornado’s veroorsaak.

In Polk-distrik is ’n beampte dood toe hy deur ’n kollega se voertuig getref is terwyl hy ’n boom van die pad verwyder het. Dié Amerikaanse staat het die vlak van katastrofiese verwoesting vrygespring wat amptenare gevrees het.

“Die storm was beduidend, maar gelukkig was dit nie die mees gevreesde scenario nie,” het die goewerneur van Florida, Ron DeSantis, op ’n nuuskonferensie gesê.

Universal Studios takes a hit as Hurricane Milton passes through, leaving behind significant damage.#HurricaneMilton #UniversalStudios #StormDamage #BreakingNews #KristyTallman #FloridaWeather #HurricaneSeason #OrlandoStorm #ThemeParkDamage #MiltonAftermath pic.twitter.com/x4PR3OTaQr

— Kristy Tallman (@KristyTallman) October 10, 2024

Milton het as ’n Kategorie 3-storm aan Florida se Golfkus aangeland, met kragtige winde wat gemeenskappe verpletter het, wat aan die herstel van orkaan Helene, was wat hulle slegs twee weke vantevore getref het. Altesaam 237 mense in Florida en ander suidoostelike state is weens orkaan Helene dood.

Die nasionale weerdiens het Woensdag 126 tornadowaarskuwings regoor die staat uitgereik, die meeste wat tot nog toe op ’n enkele dag vir ’n staat uitgereik is sedert die begin van rekordhouding in 1986, het die orkaankenner Michael Lowry geskryf.

Reddingsoperasies gaan voort terwyl noodwerkers inwoners wat weens vloedwater naby Tampa gestrand was, ontruim het.

OFM Nuus mvh