Studies het bevind as jy sitsessies verminder of selfs onderbreek deur op te staan, kan dit jou bloedsomloop, metabolisme, hartgesondheid, geestesgesondheid en selfs lewensduur verbeter. Trouens, studies toon dat jou cholesterolvlakke kan verlaag indien jy selfs net een uur per dag eerder staan as sit. 

Een man het besluit om dit verder te neem en vir ’n week lank nie gaan sit nie.

Die YouTuber Pigmie het wel agt ure elke aand geslaap, wat beteken dat hy ’n bietjie kon rus van die aanhoudende staan. Die YouTuber het egter elke oomblik wat hy wakker is, gestaan.

‘Dit het gou verander toe die natuur hom geroep het vir ’n nommer twee’

Pigmie het in die video verduidelik hoe ‘die gemiddelde Amerikaner elke dag ongeveer 9,5 uur lank sit’, so hy wou die neiging breek. Vir die week lange eksperiment het Pigmie ’n staande lessenaar gekoop sodat hy met sy normale werk kon aangaan.

Lees ook: Conspiracy Corner – Adele & Sam Smith, are they the same person?

Terwyl die YouTuber se aanvanklike sienings oor staan redelik positief was, het dit gou begin verander toe die natuur hom geroep het vir ’n nommer twee. Hy het gevind dat ontlasting sonder om aan die toilet te raak, redelik ongemaklik en moeilik is.

Soos die week verbygegaan het, het Pigmie dit meer geniet om te slaap, aangesien dit al hoe moeiliker geword het om op te staan. Hy het aan gewrigspyn begin ly, was uiters moeg en het selfs ’n swak postuur ontwikkel.

Aan die einde van die week het Pigmie ontdek dat hy ongeveer een pond gewig opgetel het. Die YouTuber vertel in die video dat hy voortdurend honger was en gevolglik meer as gewoonlik geëet het.

Lees meer

OFM Nuus mvh