Agriculture
Kom ontdek die opwinding van Nampo Alfa 2024─── 12:53 Fri, 18 Oct 2024
Nampo Alfa 2024 bied ’n unieke ervaring vir gesinne en natuurliefhebbers. Van praktiese aktiwiteite tot opwindende kompetisies, kom geniet die beste van die buitelewe.
Pulane Nel-Sekepe, OFM At Lunch-aanbieder, het met dr. Dirk Strydom, besturende direkteur van Nampo gesels oor die eerste dag van dié spoggeleentheid, wat alles bied waarna jy en jou gesin uitsien.
Die atmosfeer by Nampo Alfa is uniek – dis nie net ’n skou nie, maar ’n belewenis. Dit het Donderdag (17/10) bit begin met verskeie praktiese aktiwiteite en kompetisies vir ’n ieder en ’n elk.
Kom ontdek allerlei buitelewe-toerusting by vanjaar se NAMPO Alfa Ekspo. Foto OFM
Strydom meen die groter getal uitstallers as verlede jaar bewys hoe belangstelling in buitelewe-geleentheide steeds toeneem.
“Die beste diere van die land is hier, en die veeaktiwiteite is altyd ’n hoogtepunt,” sê hy. Van die indrukwekkendste diere, tot opwindende visvang- en skietkompetisies - daar is iets vir almal om te geniet.
Moenie vergeet van die aktiwiteite vir die hele gesin nie. Dit is die ideale plek om Kersinkope te begin met handgemaakte kuns, mode en nog baie meer.
Saterdag (19/10) is die groot dag, die perfekte geleentheid om saam met jou gesin en vriende die skou te geniet. Strydom verwag die bywoning sal toeneem wanneer talle gesinne en kinders die kans aangegryp om die aktiwiteite te geniet.
“Dit gaan ’n lekker gesinsdag wees met volgepakte sale en volop om te doen. Van helikopterritte tot buitelewe-aktiwiteite, jy wil dit nie misloop nie!”
Gryp die kans aan om deel te wees van hierdie opwindende gebeurtenis. Kom kuier by Nampo Alfa en ontdek alles wat vanjaar se skou jou bied.
OFM Agri mc
Gallery
