Die sewende vergadering van die Oranje-Senqu-rivierkommissie is verlede week in Pretoria gehou. Kommer bestaan reeds jare lank oor die lae vlak van die Benede-Oranjerivier tydens droë seisoene, en word ook gereeld deur Suid-Afrika en Namibië bespreek. 

Die kwik het die laaste dae op talle plekke by vyf grade benede vriespunt gaan draai. Onafhanklike landbouweerkundige, Johan van den Berg, sê dagtemperature behoort deur die loop van die week te herstel.

Intussen kan die heersende koue toestande 'n nadelige uitwerking hê op vee en kwesbare gewasse. Die bibber-weer kan ook die skeer van skape verder vertraag. Die SA Weerdiens waarsku boere moet tydens die koue maande voldoende beskutting vir hul kleinvee voorsien, asook genoeg kos en water om hul gesondheid en welsyn te beskerm.

Die Departement van Landbou werk nou saam met munisipaliteite in die oprigting cab Agri-Parke, waaronder Boereproduksie Ondersteuningseenhede, Agri Hubs en landelike toegangspaaie. Hy het 'n vennootskap gesluit met die African Development Bank deur middel van 'n toekenning van amper R7,5 miljoen vir die aanstelling van 'n adviseur om te help om die Agri-Parke-program te verbeter. Twee loodsprojekte wat vir publiek-private sektor vennootskappe geïdentifiseer is, is die Tshiame Agri-Park in die Vrystaat en Springbokpan in Noordwes.

EN

Die Thabo Mofutsanyana-distriksmunisipaliteit in die Vrystaat, met sy Landbou- en Landelike Ontwikkelingseenheid, ondersteun bestaans- en opkomende boere in die streek met verskeie gemeenskapsgebaseerde landbouprojekte. Die vernaamste oogmerke is om gemeenskapsopheffing te bevorder, die ekonomie te verbeter, armoede uit te roei en gemeenskapslede met winsgenerering te help.

OFM Nuus