In ’n loodsfase van 2019 tot 2023 het meer as 2 miljoen kinders in Ghana, Kenia en Malawi die RTS-S-entstof ontvang. 

Byna 10 miljoen dosisse is in die eerste jaar van roetine-immunisering dwarsoor die vasteland afgelewer, volgens Gavi, die entstofalliansie. 

Dié immunisering het gelei tot ’n aansienlike afname in ernstige malaria, hospitalisering en ’n 13%-afname in die sterftesyfer. 

Today, we are celebrating the first anniversary of the #malaria vaccine in Cameroon! ????

It is #HumanlyPossible to have a malaria-free world. And vaccines are leading the way to make this a reality. pic.twitter.com/mO1JaZsYlS

— UNICEF Health (@UNICEFhealth) January 22, 2025

Op grond van dié sukses, beveel die Wêreldgesondheidsorganisasie nou die RTS-S-entstof saam met R21/Matrix-M aan vir malariavoorkoming. Malaria het voorheen jaarliks byna 600 000 mense se dood veroorsaak, meestal in Afrika en veral kinders.

Roetine-inenting is verlede jaar uitgebrei om hierdie drie lande en 14 ander in te sluit, beginnende met Kameroen. Teen die eerste maand van die jaar is as 9,8 miljoen dosisse afgelewer, wat ongeveer 5 miljoen kinders beskerm het. Die doel is om vier dosisse per kind toe te dien terwyl die klem val op die bereiking van diegene wat die grootste gevaar loop.

Gavi het belowende vroeë resultate uit Kameroen gerapporteer, met ’n afname in sterftes van kinders onder vyf. Malaria veroorsaak jaarliks meer as 13 000 sterftes in Kameroen, wat enige vermindering in getalle beduidend maak.

One year on from the rollout of the 1st malaria vaccine, 17 countries have it, covering 70% of the world's malaria burden ???? With next-gen vaccines on the horizon, continued investment is crucial to ensure we deliver them to those who need them most ?? https://t.co/ovh0GGcr9b pic.twitter.com/Fz0WbZb5aP

— Zero Malaria (@ZeroMalaria) January 23, 2025

Afrika dra sowat 94% van wêreldwye malariagevalle by en 95% van sterftes. 

In 2023 was daar 263 miljoen malariagevalle, ’n effense toename vergeleke met 2022. Die dodetal het effens afgeneem van 600 000 in 2022 tot 597 000 in 2023. Kinders onder vyf het voorheen 76% van hierdie sterftes verteenwoordig het.

OFM Nuus cg