Bestanddele

1 kg klein aartappels

1,2 kg beeslende of kruis, by kamertemperatuur

2 eetlepels olyfolie

2 eetlepels dijonmosterd

3 eetlepels gekapte vars pietersielie

3 eetlepels gekapte vars origanum

4 eetlepels fyngekapte vars roosmarynblare, plus ’n takkie

Vir die remoulade

2 medium eiergele

½ eetlepel dijonmosterd

250 ml sonneblomolie

1 eetlepel crème fraîche

2 eetlepels kappertjies, gedreineer en afgespoel, fyn gekap

3 eetlepels fyngekapte vars dragon

Gerasperde skil en sap ½ suurlemoen

Metode
Verhit die oond tot 180 ºC. Sit die aartappels in koue soutwater, bring tot kookpunt en prut vir 15-20 minute. Dreineer, laat effens afkoel en trek dan die skil af terwyl dit nog warm is. Laat heeltemal afkoel. Verhit 'n droë braaipan met 1 eetlepel olie. Druk die beesvleis droog, braai dit aan alle kante en sit dan op 'n bakplaat. Geur en borsel die mosterd bo-oor en die kante. Druk die helfte van die kruie liggies op die mosterd en rooster dan vir sowat 25 minute. Verwyder, bedek met foelie en rus vir 10 minute (die temperatuur ná rus moet 55 ºC -60 ºC wees; dit sal in temperatuur styg terwyl dit rus). Meng intussen vir die remoulade die eiergele met die mosterd en 'n knippie sout.

Lees ook: What's on the menu – Feestelike koekies

Klits 1 eetlepel van die olie druppel vir druppel by totdat die mengsel begin verdik en emulgeer, klits dan die oorblywende olie in 'n dun straaltjie by. Meng die crème fraîche, cornichons, kappertjies en cornichon-asyn by. Roer die dragon, suurlemoenskil en sap by en geur dan. Bedek en verkoel in die yskas. Verhit die oorblywende 1 eetlepel olyfolie in die pan waarmee die beesvleis geskroei is, en roerbraai dan die aartappels vir 8-10 minute tot bros. Voeg die roosmaryntakkie ná 6 minute by. Sprinkel die oorblywende kruie oor die vleis, sit dan voor saam met die aartappels, remoulade en jou gunstelinggroente.