Lente is om die draai en Sjef Maradine staan gereed met ’n paar vinnige resepte om ons in die bui te kry vir die sonskyndae.

Bestanddele (maak 4-6 porsies):

4-6 dik snye brioche of witbrood

150 g ongesoute botter, saggemaak

150 g sagte ligte bruinsuiker

50 g heuning

1 teelepel vanielje-ekstrak

1/4 teelepel sout

Aanwysings:

Begin deur jou oond vooraf tot 180C te verhit. Voer ’n groot bakplaat met bakpapier uit, laat dit eenkant.
Voeg die sagte botter, bruinsuiker, heuning, vanielje en sout in ’n groot bak. Klits dit alles saam vir ongeveer 2 minute.
Smeer ’n dun lagie van hierdie mengsel op jou broodsnye. Maak seker dat jy elke kant van die sny bedek, insluitend die korsies.
Plaas dit op jou bakpapier in die bakplaat en bak in jou voorverhitte oond vir 15 minute.
Haal hulle ná 15 minute uit en draai dit om. Plaas hulle dan terug in jou oond vir 5-10 minute, of totdat hulle ’n ligte karamelkleur het. Haal hulle uit die oond en laat hulle dan vir 5 minute op die skinkbord om af te koel.

Ná 5 minute sal hulle nog baie sag wees. Plaas dit oor na ’n draadrak en laat dit dan afkoel totdat die buitekant hard word. Dit behoort ongeveer 10-15 minute te neem.

OFM cg