Nog ’n Donderdag, nog ’n resep van Sjef Maradine. Hierdie week sorteer sy ons nagereglus uit met ’n vinnige resep vir Caramel Blondies.

BESTANDDELE:

• 1½ k meel
• 1 t bakpoeier
• ½ t sout
• 1½ k ligte bruinsuiker
• 12 e ongesoute botter, gesmelt en afgekoel
• 2 groot eiers
• 1½ t vanielje-ekstrak
• ½ k wit sjokoladeskyfies
• ½ k karamelstukkies (of 12 karamelblokkies)
• 2 e room
• growwe seesout om bo-oor te strooi

INSTRUKSIES:

• Voorverhit die oond tot 160 °C. Berei ’n vel bakpapier voor vir ’n 13x9-bakpan en spuit met kleefwerende baksproei.
• Klits meel, bakpoeier en sout saam in ’n bak.
• In ’n medium bak, klits suiker en gesmelte botter saam tot heeltemal gemeng. Klits die eiers en vanielje by.
• Gebruik ’n rubberspaan en vou die meelmengsel liggies in.
• Sodra die mengsel heeltemal gekombineer is, vou die witsjokoladeskyfies in en hou eenkant.

Lees ook: What’s on the menu – Heuningbotter en roosterbrood

• Voeg die karamelstukkies en room in ’n mikrogolfbestande bak. Mikrogolfoond teen 50% krag in 30-sekonde inkremente, roer elke keer, tot glad en volledig gekombineer. Laat die karamelmengsel effens afkoel, maar nie soveel dat dit dik en hard word nie, maar jy wil dit ook nie kokend warm hê nie.
• Terwyl die karamel afkoel, skraap die beslag in die voorbereide pan en maak die bokant glad.
• Nadat die karamel effens afgekoel het, drup dit versigtig oor die beslag. Gebruik ’n mes om ’n marmerpatroon te skep.
• Bak totdat die bokant blink en effens gekraak is, dit moet effens stewig voel met aanraking, sowat 30-35 minute, draai die pan halfpad deur bak.
• Onmiddellik nadat dit uit die oond gehaal is, bedek met growwe seesout. (’n Ruim knippie oor die bokant.)
• Laat die blondies vir 10 minute in die bakpan afkoel. Verwyder dit uit die bakpan en laat dit op ’n draadrak afkoel voordat dit gesny word.

OFM cg