Luidens berigte het nog ’n onwettige mynwerker Dinsdag (10/12) opgeduik met ’n brief van sy makkers ondergronds waarin hulle tabak en nog kruideniersware vra. 

’n Brief van die zama-zamas in Stilfontein. Foto verskaf

Intussen kry Operasie Vala Umgodi, wat mynskagte wil seël en die voorsiening van voorrade beperk om onwettige myners boontoe te dwing, die wind van voor. Kragtens ’n hofbeslissing ten gunste van gemeenskapsorganisasies mag basiese benodigdhede aan die zama-zamas gelewer word.

Genl. Fannie Masemola, nasionale polisiekommissaris, is bekommerd oor die ongereguleerde verskaffing van goedere aan onwettige mynwerkers. Hy meen dit stel hulle in staat stel om onbepaald die gereg te ontduik en ondermyn die doelwitte van die owerheid en polisie se optrede.

Inwoners meen weer die reg op die lewe geld vir almal, ook onwettige mynwerkers. Aktivis Johannes Qankase beklemtoon die gemeenskap se verbintenis daartoe om mynwerkers te help om hul kragte te herwin sodat hulle boontoe kan kom.

“Ons is hier om te help, maar ons sal luister na buitensporige eise nie. Die doel bly om hulle aan te moedig om uit te kom,” sê Qankase.

Die owerheid en wetstoepassingsagentskappe kom tans onder skoot van gemeenskapsorganisasies wat hulle beskuldig van ontoereikende pogings om die probleem op te los. Aktiviste vra beter samewerking en belegging in hulpbronne.

OFM Nuus/Kekeletso Mosebetsi mvh