Dit het behoorlik probleme onder besproeiers veroorsaak en noodvergaderings moes met Eskom belê word om die situasie aan te spreek. Dit is volgens Vrystaat Landbou hoof uitvoerende beampte, Gernie Botha.

In ’n jaaroorsig van 2023 vertel hy aan Elsabé Richard-May dat die reën wel bygedra het tot goeie oeste, hoewel vloedskade aan paaie ‘n negatiewe invloed gehad het.

“Dit bly ‘n deurlopende proses om met die relevante owerhede te skakel in ‘n poging om padinfrastruktuur aan te spreek. Een stukkie goeie nuus is dat sommige van hierdie paaie aan SANRAL oorgedra is en daar sal hopelik verbeteringe op hierdie paaie te sien wees.”

Op die veiligheidsfront is daar ‘n groot aantal persone opgelei, wat insluit landbouers, polisiebeamptes en sekuriteitspersoneel. ‘n Totaal van 478 persone by 33 boereverenigings is opgelei deur die jaar.

“Wat die jaar vorentoe betref vertrou ons dat voldoende reën binnekort vir die nuwe aanplantings sal val. Die versengende hitte het in baie gevalle sy tol begin eis. Ons sal ook voortgaan om druk op die regering te plaas in ‘n poging om infrastruktuur op te knap,” sê Botha.

OFM Agri Corné