Volgens die jongste Agriseker Cumulus-verslag word droë toestande oor die hoof landbouproduksiestreke van Suid-Afrika verwag.

Algemene oorsig

Terwyl ’n bo-lug trog suidwes van Suid-Afrika volgende week vir verspreide buie en donderbuie in die sentrale tot westelike dele kan sorg, bly die voorspellings onseker. Die afwesigheid van tropiese vog en die ongunstige grootskaalse weerpatrone beperk die omvang en intensiteit van verwagte reënval.

Mielieproduksiestreek

Die mielieproduksiestreke sal warm tot baie warm en meestal sonnig bly, met verspreide tot geïsoleerde donderbuie oor veral die westelike dele. Hoë verdamping en die verspreiding van reënval sal uitdroging oor groot dele van die streek versterk.

Oostelike mielieproduksiegebiede:

• Maksimumtemperature: 27°C tot 31°C
• Minimumtemperature: 13°C tot 17°C

Westelike mielieproduksiegebiede:

• Maksimumtemperature: 31°C tot 37°C, hoër temperature na die westelike dele.
• Minimumtemperature: 16°C tot 21°C

Daaglikse weervooruitsig

• Donderdag (23 Januarie): Gedeeltelik bewolk en warm, maar baie warm in die westelike dele. Geïsoleerde donderbuie moontlik, met verspreide buie oor die noordoostelike Vrystaat en suidelike Mpumalanga.
• Vrydag (24 Januarie): Gedeeltelik bewolk en warm met geïsoleerde donderbuie in die oostelike dele. Sentraal tot wes bly warm met matige westelike winde.
• Saterdag (25 Januarie): Gedeeltelik bewolk en warm met geïsoleerde donderbuie in die ooste. Die sentrale tot westelike dele bly warm tot baie warm.
• Sondag (26 Januarie): Gedeeltelik bewolk en warm, met warm toestande oor die sentrale tot westelike dele. Geïsoleerde donderbuie moontlik.
• Maandag (27 Januarie): Gedeeltelik bewolk en warm met verspreide donderbuie, maar geïsoleerd in die ooste.
• Dinsdag tot Woensdag (28-29 Januarie): Donderbuie sal voortduur, maar met die verswakking van die bo-lugtrog sal reënval waarskynlik meer geïsoleerd wees. Warmer toestande keer terug na die westelike en sentrale dele.

Die droë en warm toestande oor die somergraanstreke, gekombineer met beperkte reënval en hoë verdamping, sal druk plaas op gewasproduksie en vogvlakke in die grond.

OFM Agri cg