Dr André Hattingh pak ook dié reis aan om geld in te samel vir mediese behandeling vir kinders.

Vrystaat Landbou is bekommerd dat veediefstal boerderygemeenskappe en die landbousektor in die provinsie ten gronde kan laat gaan. Die polisie se omvermoë om veediefstal te bekamp weens kapasiteits- en hulpbrontekorte is 'n bron van kommer. Dié gebrek het ook 'n uitwerking op veediefstal-ondersoeke en inhegtenisnemings, sowel as om sake suksesvol deur die howe te voer met goeie vonnisopleggings. Dit het die organisasie genoop om vanaf 1 Julie ’n projek van stapel te stuur in die Fezile Dabi-distrik saam met 'n privaat ondersoeker.

Die Departement van Water en Sanitasie het omvattende beurse vir die 2024 akademiese jaar beskikbaar gestel aan graad 12's wat belangstel in 'n beroep in water- en sanitasie. Woordvoerder Wisane Mavasa sê die beurs sluit in volle klasgeld, verblyf en 'n maandelikse toelae. Beursaansoeke sluit op 30 November. 

EN 

Zimbabwe sal waarskynlik 'n miljoen ton mielies moet invoer in die 2023/24-bemarkingsjaar. Hoewel die land se 2022/23-mielieproduksie 1,5 miljoen ton kan bereik, is dit byna die helfte van die oes van 2,7 miljoen ton in die 2020/21-produksieseisoen. 

OFM-nuus