Mielies:

• Die Amerikaanse mieliemark het weer steun verloor op 'n rondte tegniese verkope. Pryse het tussen 1,5% en 2% verloor. Brasilië se mielie-uitvoer het die week met 9% afgeneem.
• Plaaslik: Die plaaslike mieliemark het gemeng verhandel in Vrydag se sessie.
• Die witmieliekontrak het vir Julie ’23 R23/ton swakker verhandel vir die dag om teen R3 634/ton te sluit. Witmielies vir lewering in September '23 het R18/ton swakker verhandel teen R3 727/ton.
• Die geelmieliekontrak vir Julie ’23 het verhandel teen R3 720/ton, R9/ton sterker. Die geelmieliekontrak het vir lewering in September ’23 teen R3 810/ton verhandel, R3/ton sterker.

Mieliepryse: Vrydag, 30 Junie/Graan SA.

Sojabone:

• Die Amerikaanse sojaboonmarkpryse het Donderdag aan die positiewe kant verhandel ná 'n woelige sessie. Die res van die sojaboonkompleks was ook in die groen. Sojameelpryse het met 0,25% gestyg en sojaoliepryse het met 2% gestyg.
• Plaaslik: Die plaaslike sojaboonmark het goed presteer in Vrydag se sessie met pryse wat tussen 2.3% en 2,8% gestyg het.
• Die sojaboon Julie ’23-kontrak het R228/ton sterker verhandel teen R8 114/ton. Die sojaboon September ’23-kontrak het R231/ton sterker verhandel teen R8 300/ton. Die sojaboon Desember ’23-kontrak het teen R8 530/ton, R256/ton sterker verhandel.

Sojaboonpryse: Vrydag, 30 Junie/Graan SA.

Koring:

• Die Amerikaanse koringmarkpryse was gemeng maar meestal laer ná 'n rondte van ongelyke verhandeling.
• Plaaslik: Die plaaslike koringmark het min wisselvalligheid getoon en het gemeng maar meestal positief verhandel.
• Die koring Julie ’23-kontrak het teen R6 650/ton verhandel, R38/ton swakker. Die koring September ’23-kontrak het teen R6 555/ton verhandel, R21/ton sterker.

Koringpryse: Vrydag, 30 Junie/Graan SA.

OFM-nuus