National
SAKP-leier teiken van sluipmoordpoging─── 15:21 Wed, 12 Apr 2017
Durban - Die SAKP sê hulle sal 'n klag by die polisie indien weens 'n beweerde sluipmoordpoging op die party se tweede adjunksekretaris, Solly Mapaila.
Die party sê in 'n verklaring hulle veroordeel die gebruik van staatsgeleenthede om sluipmoordpogings en faksionele agendas te bevorder.
Mapaila het onlangs vir die bedanking van Zuma gevra.
Woordvoerder vir die kommunistiese party, Alex Mashilo, sê die vermeende sluipmoordenaar het 'n vuurwapen op Mapaila gerig tydens Maandag se gedenkdiens vir vermoorde SAKP-leier, Chris Hani.
Hy het glo egter sy planne laat vaar toe iemand hom waarsku dat daar kringtelevisiekameras in die gebou is.
OFM-nuus
