Central SA
Hoërskool Kakamas het wel voedingskema─── 14:16 Mon, 29 Jul 2019
Die Departement van Onderwys het verlede week ‘n verklaring uitgestuur waarin bewerings ontken is dat chaos verlede Donderdag by Hoërskool Kakamas in die Noord-Kaap uitgebreek het.
Die skool het intussen teenoor OFM-nuus bevestig dat daar wel ‘n funksionele voedingskema is en dat die skool op daardie spesifieke dag net geen water gehad het nie. As gevolg hiervan kon hulle glo nie kos kook nie.
Daar was na bewering chaos toe leerders nie onderwysers se opdragte wou uitvoer nie en beweer het dat die skool nie ‘n funksionele voedingskema het nie. In die video het ‘n leerder vertel dat hulle te honger is om te konsentreer en om hierdie rede nie klas toe wou gaan nie.
OFM-nuus/Elsabé Richard