Die verdagtes is Woensdag (16/10) op Port Shepstone aan KwaZulu-Natal se suidkus in hegtenis geneem. 

Xolile Nqatha betuig ook sy dankbaarheid teenoor die publiek vir die wenke wat tot die inhegtenisnemings gelei het, sê Makhaya Komisa, die LUR se woordvoerder.

[WATCH]
We visited the family of Songezo Vuma, the youngest Lusikisiki Massacre suspect,to get their reaction to his arrest. His grandmother told @NohiyaNtsiki that his death would be a relief, describing him as a troubled child. Tune in to Indaba Zethu on 163 and Newzroom Afrika pic.twitter.com/pd0DveLGDz

— uMaBhayi (@Sipha_Kema) October 16, 2024

“Nqatha meen die mense van KwaZulu-Natal en die res van die land slaak ’n sug van verligting dat dié vier mense in hegtenis geneem is. Hy glo dié inhegtenisnemings bied hoop vir die bedroefde gesinne aangesien hulle bitter graag die trauma sal wil verwerk nadat geregtigheid geskied het.”

Drie van die verdagtes het blyplek gehuur in die Mkholombe-gebied van Port Shepstone. Inwoners is geskok omdat drie van die vier Lusikisiki-moordverdagtes tussen hulle gewoon het.

Die Sinqina-familie is feitlik uitgewis in die massaskietery in Lusikisiki in die Oos-Kaap. Altesaam 18 mense is Saterdag (28/9) in die vroeë oggendure in twee afsonderlike huise op Ngobozana in die Oos-Kaap afgemaai.

All four suspects wanted in connection with the Lusikisiki massacre, which tragically resulted in the loss of 18 lives, have been arrested by the police in KwaZulu Natal. pic.twitter.com/zaeevhavUW

— Vehicle Trackers (@VehicleTrackerz) October 16, 2024

Die oorledenes was aan die voorberei vir die grafsteenonthulling van twee familielede – nóg twee vroue wat verlede jaar in die gebied vermoor is. 

Blykbaar was een van die verdagtes op parool. Die motief vir die slagting is nog onbekend. Die polisieondersoek duur voort.

OFM Nuus cg/mc/dg