Gautengse polisie het  ’n vermeende, vroulike dwelmmuil van Namibië op die O.R. Tambo-lughawe in Kempton Park in hegtenis geneem.

Die polisie en intelligensie-eenhede het Sondag (23/9) op ’n wenk gereageer oor ’n verdagte (30) wat na verwagting omstreeks 07:25 uit São Paulo, Brasilië, sou land.

Die span het die verdagte onmiddellik onderskep terwyl sy nog by immigrasie besig was, sê Athlenda Mathe, nasionale polisiewoordvoerder. “Sy is dadelik in hegtenis geneem en na ’n hospitaal geneem waar ’n X-straal bevestig het dat sy vreemde voorwerpe in haar maag versteek het.

“Die proses het begin om die vermeende dwelms uit haar liggaam uit te kry. Sy het tot dusver reeds meer as 60 koeëlvormige pakkies uitgewerk, vermoedelik met kokaïen daarin. Sy is in aanhouding onder polisiebewaking.”

Die waarde van die dwelms kan nog nie bepaal word nie aangesien die proses om alles uit die verdagte se liggaam te kry, geruime tyd kan duur.

PICS: A South African drug mule who left the country for Brazil and claimed that she was going there to do shopping for her upcoming wedding has been arrested after coming back via OR Tambo International Airport carrying a stash drugs.

In the process, two of her accomplices,… pic.twitter.com/R1uqqBqRoJ

— Sihle Mavuso (@ZANewsFlash) August 27, 2024

Dit is die tiende dwelmmuil wat die afgelope twee maande op dié lughawe in hegtenis geneem is.

Genl. Fannie Masemola, nasionale polisiekommissaris, loof die waaksaamheid van die multidissiplinêre span wat onvermoeid werk om misdaad op die lughawe te bekamp.

#sapsHQ A suspected drug mule has been arrested by members of the South African Police Service(SAPS) at the OR Tambo International Airport on Tuesday, 30 July 2024.

Police were following up on intelligence that a man aboard an identified aircraft from Sao Paulo - Guarulhos… pic.twitter.com/My3YLFwoRP

— SA Police Service ???? (@SAPoliceService) July 30, 2024

“Ons manne en vroue in blou is deurlopend besig om geharde misdadigers aan te keer. Suid-Afrika is nie ’n speelplek vir misdadigers en transnasionale georganiseerde misdaad nie. Ons laat geen beweegruimte vir misdadigers nie en laat niks aan die toeval oor nie.”

Die polisie het die afgelope twee maande op die O.R. Tambo-lughawe beslag gelê op meer as R13 miljoen se dwelms, waarvan R12 miljoen kokaïen was.

OFM Nuus mc/dg