Die polisievakbond Police and Prisons Civil Rights Union (Popcru) sê daar is bykomende stres wat veroorsaak word deur ’n gebrek aan hulpbronne, personeeltekorte, onregverdige dissiplinêre kwessies en oormatige skuld. Dit is skokkend dat meer as 300 polisiebeamptes in Suid-Afrika sedert 2017 weens selfdood oorlede is – die swakste koers van enige wetstoepassingsdiens ter wêreld.

Popcru sê hoewel daar werknemersgesondheid- en welstandprogramme in die polisiediens in werking en beskikbaar is, is dit grootliks reaktief van aard met kundiges wat slegs beamptes in negatiewe omstandighede besoek. “Dit lyk asof hulle nooit proaktiewe besoeke doen om te verseker dat die lede hul werk of persoonlike lewens kan hanteer nie,” het die vakbond gesê.

The Citizen berig dit spreek vanself dat polisiëring as ’n loopbaan beamptes sal blootstel aan herhaalde trauma – persoonlik én as ’n derde party. Daar is ook die konstante druk van vrees.

‘Hoogs gestresde beamptes met selfvernietigingsgedagtes sal nie werk behoorlik kan doen’

Daarbenewens, sê Popcru, is daar “stres wat veroorsaak word deur onder meer die gebrek aan hulpbronne, personeeltekorte, onregverdige dissiplinêre kwessies en oormatige skuld”.

Ons stem saam met die vakbond dat gesondheid en welstand ’n gereelde en verpligte deel van die opleiding en assessering van beamptes gemaak moet word – veral vir diegene wat in hoëstresgebiede ontplooi is.

Afgesien van die menslike en deernisvolle redes is dit ook so dat hoogs gestresde beamptes met selfvernietigingsgedagtes nie hul werk behoorlik sal kan doen nie.

OFM Nuus cg