'n Video wat deur ’n tatoekunstenaar van Black Onyx Empire Tattoo in Yuma, Arizona, op sosiale media geplaas is, het wyd aandag getrek omdat dit wys hoe die jong meisie haar arm laat tatoeëer. Die video, gedeel deur die kunstenaar wat bekend staan as ‘cutzsosa’ op Instagram, het ’n vurige debat ontlok oor die tatoeëring van minderjariges, selfs met hul ouers se toestemming.

Volgens die kunstenaar het die meisie en haar ouers van buite die staat gereis om spesifiek ’n tatoe te kry. Aanvanklik wou sy ’n kunswerk van Donald Trump op haar nek hê, maar Sosa het haar glo oorreed om eerder iets meer patrioties te kry: ’n Amerikaanse vlag op haar arm.

Sosa het onlangs aan Mail Online vertel dat hy die meisie se arm ’n jaar gelede getatoeëer het en haar aangeraai het om ’n jaar te neem om te besluit of sy regtig die tattoo wou hê. Indien sy steeds daarvan seker was, sou hy oorweeg om dit te doen. Die meisie het verlede maand saam met haar ouers teruggekeer en gevra vir ’n aanpassing aan die rooi op haar Amerikaanse vlag-tatoe. Sy het ook besluit om nie meer die nek-tatoe te kry wat sy oorspronklik wou gehad het nie.

Lees ook: Weird Wide Web – Die Scratcher Girls: Oorwin die wêreld met ’n goeie rugkrap!

Tegnies het al 50 Amerikaanse state statutêre wette wat minderjariges verbied om tatoeëermerke te kry, maar sommige state, soos Arizona, maak voorsiening vir uitsonderings indien kinders hul ouers se toestemming het. Dus het Sosa niks onwettigs gedoen nie, maar sommige van sy eweknieë bevraagteken of sy besluit eties was.

“Dit is een van die frustrerendste aspekte van ons beroep, veral in Arizona waar daar geen streng regulasies is nie,” het Ben Shaw van die Alliance of Professional Tattooists gesê. “Dit kan ons as professionele mense ’n slegte reputasie gee. As jy ’n 10-jarige kind met ’n professionele tatoe sien en hulle sê dit is by ’n tatoe-ateljee gedoen, kraak dit ons as ’n groep af.”

Nadat foto’s van die getatoeëerde 9-jarige op sosiale media versprei het, het Sosa probeer om sy kritici te paai. Hy het beweer die meisie en haar ouers is van Turkye afkomstig, waar hulle ’n tradisie het om tatoes tekry. Tog het die kunstenaar erken dat sy kontroversiële besluit om die jong meisie te tatoeëer, baie meer kritiek ontlok het as wat hy verwag het.

“Dis nie asof ek elke dag 9-jariges tatoeëer nie,” het Sosa verduidelik. “Ek tatoeëer nie my eie kinders nie. Ek moedig nie kinders aan om tatoes te kry nie.”

“Ek ervaar baie haat daaroor. My werknemers ervaar haat. My besigheid kry baie slegte resensies op Google,” het die kunstenaar bygevoeg.

Lees meer cg