Offbeat
Weird Wide Web - Tussen die duiwel en die diep blou see─── 15:15 Tue, 29 Aug 2023
Gedink jy het ’n slegte dag – ontmoet vir Peggy Jones. Sy neem wat kan nog verkeerd loop tot die uiterste!
Jones van die Amerikaanse deelstaat Texas se dag het heel eenvoudig begin. Effens winderig, maar sy het besluit om die gras te sny. Die son skyn en alles is lekker in die wêreld, het sy gedink. Toe nou nie!.
Skielik val ’n slang van nêrens op haar arm en begin hom om haar arm draai. Sy kon voel hoe haar bloedsomloop afgesny word. Die volgende oomblik storm ’n valk op haar af. Sy het om hulp geskree en haar man het haar te hulp gesnel. Die valk het die slang egter gevang en haar trauma en pyn verlig.
Dit blyk dat die valk sy ete op Jones laat val het en dit maar net wou terugneem. Sy is gelukkig dat die slang haar nie gepik het nie. Daar is slanggif op haar gekraakte bril gevind. Sy is in die hospitaal behandel vir die veelvoudige krapwonde wat die valk veroorsaak het.
