Offbeat
Weird Wide Web – Dolfyne klink soos Kim, Scarlett tydens jag─── 15:18 Mon, 06 Mar 2023
Nuwe navorsing het bevind dat dolfyne klanke wat laag op die vokale register voorkom, gebruik wanneer hulle jag aangesien die lae klanke hulle help om hul prooi te vind, op te spoor en te vang.
Die spraaktegniek met verlengde lettergrepe - die tipiese 'drawl' van Amerikaners in veral Kalifornië - produseer die laagste klanke by mense. Die sangeres Katy Perry, die aktrise Scarlett Johansson en die werklikheidster, Kim Kardashian, is bekend vir hul stemtoon wat laag op die vokale register voorkom.
Volgens ‘n professor in klankkommunikasie, Coen Elemans van die Universiteit van Suid-Denemarke, kan dié spraaktegniek skade aan vroue se stembande aanrig, maar sê die teenoorgestelde is waar vir seediere.
"Terwyl ‘n lae, stemtoon dalk kontroversieel by mense is en as alles van irriterend tot gesaghebbend beskou kan word, het dit van seediere soos tandwalvisse 'n evolusionêre suksesverhaal gemaak."
