Graanmark-oorsig

Die witmielie-kontantprys het Dinsdag gestyg tot R5 485/t, terwyl die Julie 2025-prys ook verhoog het tot R4 523/t. Geelmielies het ’n styging ervaar. Die kontantprys staan nou op R5 006/t en die Julie 2025-prys op R4 213/t. 

Sojabone het ’n beduidende styging ervaar met ’n kontantprys van R8 650/t, hoewel die Mei 2025-prys effens gedaal het tot R7 870/t. Die sonneblomkontantprys het egter gedaal tot R9 500/t, terwyl die Mei 2025-prys op R8 820/t staan. 

Koring se kontantprys het effens gestyg tot R6 025/t, terwyl die Desember 2025-prys op R6 232/t verhandel.

Internasionale faktore en vooruitsigte

Internasionaal het VSA se CBOT-koringpryse die afgelope dae sterk gestyg weens koue weerstoestande in koringgebiede sonder sneeubedekking, wat moontlike skade aan oeste veroorsaak het. CBOT-mieliepryse het ook gestyg, maar dit bly naby die $5 per bel-merk, met verwagtinge van hoër mielie-aanplantings en ’n moontlike verskuiwing in vraag na Suid-Amerika. 

Argentinië het berig dat hul mielie- en sojaboonoeste afgegradeer is, maar Brasilië se rekordgroot sojaboonoes hou steeds die mark onder druk.

Plaaslik voorspel die Suid-Afrikaanse Weerdiens goeie reën vir somerproduksiegebiede, wat moontlik verdere druk op pryse kan plaas indien dit realiseer. Die eerste produksieskatting vir 2025 word op 27 Februarie verwag, wat ’n beter aanduiding sal gee van die seisoen se vooruitsigte.

Veemark-oorsig

Die speenkalfprys het verder gedaal en verhandel tans teen R33,76/kg met uit-die-hand-verkope wat sywaarts beweeg op R35,62/kg. Ligter kalwers tussen 160–200 kg het gedaal tot R33,22/kg, terwyl swaarder kalwers tussen 250–300 kg nou teen R31,68/kg verhandel. 

Verskeie streke het ’n afname in pryse gesien, insluitend die Vrystaat en KwaZulu-Natal.

Slagpryse het ook afgeneem. A2/A3-karkaspryse staan op R55,71/kg en C-graad-pryse laer op R47,80/kg. Slagpryse sal waarskynlik op hierdie vlakke bly tot einde Februarie, waarna dit kan styg van Maart tot Mei.

In die skaapbedryf het die gemiddelde stoorlamprys gestyg na R41,14/kg, terwyl slaglampryse laer is op R40,97/kg. Die A2/A3 skaapvleisprys bly sterk op R98,67/kg en C2/C3 pryse het verder gestyg tot R68,88/kg.

Ander kommoditeite

Die wolmark bly onder druk en pryse verhandel laer. RBS-skoonwolpryse het gedaal tot R174,33/kg, terwyl nie-RBS--wolpryse op R171,54/kg staan. 

Australiese wolpryse het ook met 2% gedaal weens afnemende vraag uit China en Indië.

Hoenderpryse het die afgelope week gestyg. Gevriesde hoender staan op R33,38/kg en vars hoender op R35,55/kg. Varkpryse het egter gedaal en spekvarkpryse staan nou op R32,26/kg en vleisvarkpryse op R32,79/kg.

OFM Agri mvh