John Steenhuisen, minister van landbou, het tydens die 17de Globale Forum vir Voedsel en Landbou (GFFA) in Berlyn deelgeneem aan ’n paneelbespreking oor volhoubare bio-ekonomie in landbou.

Aangesien landbou Suid-Afrika se sektor met die hoogste ekonomiese impak is, is die land se bio-ekonomiestrategie toegespits op innovasies soos gewas- en veeverbetering, waterbestuur, biofertiliseerders en nuwe energiegewasse, lui ’n verklaring deur die departement. Hierdie inisiatiewe wil klimaatsverandering hanteer, voedselsekerheid verbeter en werkgeleenthede skep.

“Brasilië het tydens sy G20-leierskap in 2024 tien bio-ekonomiese beginsels ontwikkel wat maatskaplike gelykheid en volhoubaarheid beklemtoon. Suid-Afrika sal voortbou op hierdie beginsels om internasionale samewerking en nasionale vooruitgang in die bio-ekonomie te bevorder.”

Die globale bio-ekonomie se waarde word op $4 triljoen geraam, met ’n potensiaal om tot $30 triljoen teen 2050 te groei. Hierdie sektor bied unieke geleenthede vir Suid-Afrika om armoede te verlig, sy mededingendheid te versterk en ’n beter lewensgehalte vir alle burgers te verseker.

OFM Agri cg