Agriculture
Derde wolveiling van nuwe seisoen presteer goed─── ELSABÉ RICHARD 05:00 Fri, 02 Sep 2022
Daar is gedurende die derde wolveiling van die 2022/23-seisoen meer as 7 400 bale aangebied, waarvan 84,3% verkoop is.
Sien onderstaande PODCAST
Heinrich Victor, senior wolbemarker by OVK, sê die Cape Wools Merino-aanwyser het met 3,3% vir nie-RWS en 6,3% vir RWS wol verswak teenoor die vorige veiling, en teen 'n skoonprys van R160,22/kg en R172,72/kg, onderskeidelik gesluit.
Hy sê die Rand het onveranderd verhandel teen die VSA Dollar en 0,7% verloor teenoor die Euro, ooreenstemmend dieselfde tyd van die vorige veiling.
LEES OOK - #FMD: Kleinskaalse wolprodusente, werkers bedreig deur China-verbod
“Op die OVK-veiling is 1 455 bale aangebied, waarvan 86,5% verkoop is.
“Die hoogste prys op die OVK-veiling van R199,00/kg, is behaal vir ‘n 2 baal lot AH van 17.9 mikron, uit die skeersel van EV Viljoen, vanuit die Richmond-distrik.
“Die koper was G. Modiano SA,” deel Victor.
Skakel gerus met OVK om u by te staan in die RWS-sertifiseringsproses.
