Local News
Verstedeliking ‘n probleem vir plaaslike munisipaliteite - Nkwinti─── REFILWE GAESWE 16:52 Thu, 22 Oct 2015
Bloemfontein - Talle mense wat deurlopend van landelike na stedelike gebiede verhuis, veroorsaak ‘n groot probleem vir plaaslike munisipaliteite.
Dit is volgens die minister van Landelike Ontwikkeling en Grondhervorming, Gugile Nkwinti.
Hy verduidelik dat mense wat na stede verhuis, nie noodwendig oor die nodige werksvaardighede beskik nie. Nkwinti het munisipale afgevaardigdes vandag op ‘n Salga-konferensie in Bloemfontein toegespreek.
Hy sê talle mense migreer na groot stede waar hulle werkloos is. Dit veroorsaak maatskaplike probleme. Hy sê kleiner munisipaliteite sukkel om vaardige mense in diens te neem, omdat talle die stede verkies.
Nkwinti sê wanneer munisipaliteite nie daarin slaag om aan mense se verwagtinge te voldoen nie, daar aangevoer word dat hulle nie die nodige dienste kan lewer nie.
Refilwe Gaeswe/OFM-nuus
Gugile Nkwinti: