Local News
Stilfontein-moord: Eggenoot volgende jaar verhoor─── DANE BEISHEIM 13:39 Tue, 01 Sep 2015
Stilfontein - 'n Bejaarde man van Stilfontein sal weer volgende jaar in die hof verskyn in verband met die moord op sy 69-jarige vrou verlede jaar.
Die tydperk van 1 tot 5 Februarie 2016 is opsygesit vir die 84-jarige Kobus Groenewald se verhoor.
Dit sal in Klerksdorp se rondgaande hof plaasvind.
Hy sal tot dan in aanhouding bly by die Potchefstroom-gevangenis se hospitaalafdeling.
Groenewald word daarvan aangekla dat hy sy vrou, Dienkie, in Mei verlede jaar in hul huis aangerand en met 'n stomp voorwerp oor die kop geslaan het.
Dane Beisheim/OFM-nuus
