’n Toeskouer langs die pad wat skyfies in die gesigte van Tadej Pogacar en Jonas Vingegaard gegooi het, is volgens Franse mediaberigte in hegtenis geneem en oornag in ’n polisiesel aangehou.

Die voorval, wat op film vasgevang is en vinnig op sosiale media versprei is, het Saterdag in die hitte van die fase 14-stryd plaasgevind toe die Sloweense Pogacar van die verdedigende kampioen weggebreek het.

Dit het gelyk of die toeskouer met sy kaal bolyf die aartappelskyfies in die gesigte van albei ryers gegooi het, met getuies wat gesê het dat hy binne vyf minute ná die voorval deur die polisie verwyder is.

@LeTour @Gendarmerie find this person and deal with them. Throwing chips into Pogi’s face ?????? Absolutely NO PLACE for this behavior in #TourDeFrance pic.twitter.com/C4hO6PuPas

— Chris Cleen (@Chris_Cleen) July 16, 2024

“Ek verstaan nie mense wat na ’n fietsren gaan om aartappelskyfies te gooi nie,” het die tweemalige titelhouer Vingegaard by die eindpunt gesê.

Die professionele fietsryersunie CPA sê hulle beoog om die toeskouer te dagvaar.

Die aanhanger was na bewering te dronk om ’n verklaring af te lê en die polisie het hom oornag aangehou sodat hy dit Sondagoggend kon doen.

Pogacar het die skof gewen om die geeltrui te behou.

WTF IS THIS?!

Some bloke just chucked a bag of crisps into Tadej Pogacar’s face at 2km to go.#tdf2024 #OnYerBikePod @writebikerepeat pic.twitter.com/ji8ppnp8ds

— Sanny Rudravajhala (@Sanny_Rudra) July 13, 2024

Tadej Pogacar, die 25-jarige Sloween, het Maandag op die rusdag gesê hy verwag dat die Tour de France-stryd in die laaste week sal verskerp. Hy voorspel vuurwerke in die laaste week van die Tour de France terwyl die verdedigende kampioen, Jonas Vingegaard, voorberei om ’n desperate aanval vir die titel van stapel te stuur.

Pogacar, die 2020- en 2021-kampioen, lei die tweemalige verdedigende kampioen Vingegaard met drie minute en nege sekondes met ses skofte om te gaan.

OFM Nuus cg