Reënboogvlae waai die naweek wêreldwyd tydens vieringe van eenheid en liefde ná ’n langverwagte hofuitspraak oor aanvaarding in Namibië. LGBTQI+-gemeenskappe regoor die wêreld het gewys dit gaan nie net oor reënboë nie – dit gaan oor liefde, eenheid, veerkragtigheid, sigbaarheid, aanvaarding en saamstaan. 

Namibiese lesbiese, gay, biseksuele, transgender, interseksuele (LGBTQI+) en ander menseregte-organisasies vier die geskiedkundige uitspraak deur die Namibiese Hooggeregshof Vrydag, wat die “gemeenregtelike misdrywe van sodomie en onnatuurlike seksuele misdrywe” ongrondwetlik en ongeldig verklaar het.

??BREAKING??: The High Court of Namibia has declared the apartheid-era Sodomy Law unconstitutional and should be repealed.

Welcome to a new Namibia. A born-free Namibia. #TogetherWeCan pic.twitter.com/asOoMbCPwq

— Equal Namibia (@EqualNamibia) June 21, 2024

Hierdie uitspraak volg op ’n aansoek deur die aktivis Friedel Dausab om hierdie sogenaamde misdrywe, tesame met die statutêre bepalings daarvan, as ongrondwetlik te verklaar. 

Die hof se bevinding spruit uit ’n aansoek wat deur Friedel Dausab, ’n Namibiese man, ingedien is, wat aangevoer het dat die kriminalisering van verhoudings met dieselfde geslag en ander seksuele gedrag, wat as onnatuurlik geag word, inbreuk maak op burgers se fundamentele regte en vryheid, en onbillike teen hulle diskrimineer.

Progress is happening!

Over 2/3 of countries worldwide do not criminalize LGBTQ+ people.

Congrats Namibia ???? for joining this list. By removing punitive, discriminatory laws against the LGBTQ+ community we protect their rights and health.https://t.co/wqtGZ4AjIw pic.twitter.com/xbP5Z8MbRp

— UNAIDS Global (@UNAIDS) June 22, 2024

Dit is ’n monumentale oorwinning vir dié gemeenskap in Namibië en baan die weg vir ’n meer inklusiewe en regverdige samelewing.

Namibiese burgerregte-organisasies het onderneem om aktief met die regering van Namibië saam te werk om te verseker dat hierdie uitspraak doeltreffend geïmplementeer word en dat verdere maatreëls getref word om die belangrikheid en beskerming van die regte van alle individue in Namibië uit te lig.

The Joint United Nations Programme on HIV-AIDS (UNAIDS) has commended the High Court’s decision to declare the common law crimes of sodomy and “unnatural sexual offences” of Namibia as unconstitutional and invalid.
https://t.co/mRnlpkWWwP

— The Namibian (@TheNamibian) June 21, 2024

“Ons betuig ons innige dank aan Friedel Dausab vir sy moed en veerkragtigheid om hierdie onderdrukkende wette uit te daag,” sê Linda Magano Baumann, strategiese koördineerder van Namibië se Diverse Vrouevereniging (NDWA). “Sy oorwinning is ’n baken van hoop en 'n kragtige herinnering dat geregtigheid en gelykheid bereikbaar is deur volharding en die oppergesag van die reg.

“Hierdie geskiedkundige uitspraak maak nie net verouderde en diskriminerende wette ongeldig nie, maar bevestig ook die fundamentele regte wat in ons Grondwet verskans is. Dit is 'n belangrike stap in die rigting van die uitskakeling van die stigma en diskriminasie wat LGBTQI+-individue al dekades in die gesig gestaar het,” sê Baumann.

??????LGBTQ+ rights activists in Namibia celebrate a "momentous day" after a high court in the capital Windhoek struck down its colonial-era laws criminalizing same-sex relationships. pic.twitter.com/ekpU6TfL4w

— VOA Africa (@VOAAfrica) June 21, 2024

Prokureur-generaal Festus Mbandeka, wat Dausab se aansoek namens die regering teëgestaan het, voer aan dat openbare sentiment in Namibië nie ontwikkel het tot die punt waar wetgewers gereed was om wette teen homoseksualiteit te herroep nie, en dat grondwetlike beskerming teen diskriminasie nie uitdruklik die seksuele oriëntasie dek nie.

Die regering oorweeg die uitspraak en het nog nie besluit of hulle gaan appelleer nie, sê Gladice Pickering, die Ministerie van Justisie se uitvoerende direkteur.

“Dit is goed vir jong LGBTQI+-mense om te weet dat hul liefde nie ’n misdaad is nie,” het Dausab ná die uitspraak gesê. “Dit is ’n wonderlike dag vir Namibië.”

OFM Nuus cg