Die 35-jarige is Dinsdag in hegtenis geneem nadat hy glo aan familielede beken het dat hy die wrede moord gepleeg het. ’n Familielid het Vrydag in die 76-jarige se huis op haar afgekom waar sy onthoof is.

Polisiebeamptes het die slagoffer op die eetkamervloer aangetref toe hulle omstreeks 07:00 by die huis aankom, sê Sergio Kock, Noord-Kaapse polisiewoordvoerder.

Hy vra enigeen met inligting wat die polisie in hul ondersoek kan help, moet ao. Patrick Dithebe by 060 861 6893 nader of Stop Misdaad by 08600 10111 bel.

Die oorledene se dogter June Kganyege het aan die SAUK gesê sy is verpletter deur haar ma se dood. “Die situasie is hartverskeurend, maar (die verdagte) moet sy lot aanvaar en sy vonnis uitdien, want hy het ook teenoor die polisie bely.”

Die pensioentrekker word na verwagting Saterdag in Galeshewe begrawe.

Intussen ondersoek Vrystaatse polisie ’n geregtelike doodsondersoek nadat vier kinders Maandag brandwonde opgedoen het toe ’n koolstoof ontplof het in Ha-Rankopane, Phuthaditjhaba. Die kinders herstel in ’n plaaslike hospitaal.

‘Vier kinders wat naby die vuur gesit het, gebrand’

Na bewering het ’n 17-jarige buite die huis vuur in ’n koolstoof gemaak om kos te berei omdat die buurt se krag af was. Toe sy sukkel met die nat hout, het sy ’n plastiekhouer met ’n deursigtige vloeistof uit die huis gehaal, onder die indruk dat dit paraffien was.

“Toe die tiener die houer in die koolstoof gooi, het dit ontplof en vier kinders van die bure wat naby die vuur gesit het, gebrand,” sê Mmako Mophiring, Vrystaatse polisiewoordvoerder.

“Later is bevestig dat die houer benseen bevat het, nie paraffien nie. Die tiener self is nie beseer nie.”

OFM Nuus/Zenande Mpame mc