Albei het hul uitdagings oorkom en word onder Noordwes se topmatrikulante van 2024 getel.

Ten spyte daarvan dat sy in armoede en sonder ouers grootgeword het, het die Thobeka Langa (17) van Rustenburg se vasberadenheid haar ’n plek besorg as een van die 39 toppresteerders in die land wat Maandag (13/1) deur Siviwe Gwarube, minister van basiese onderwys, tydens 'n ontbyt in Johannesburg vereer is.

‘God het ander planne gehad’

Thobeka van die Hoërskool JM Ntsime het aan SANews erken sy het ná 'n uitdagende fisika-vraestel gedink haar kanse om as ’n toppresteerder erken te word, was verpletter. “Maar God het ander planne gehad."

Thobeka, wat 'n maatskaplike toelae-begunstigde is, gaan chemiese ingenieurswese aan die Universiteit van Pretoria studeer. Sy sê haar droom is om onder diegene te wees wat 'n impak in die wêreld maak. Sy het die belangrikheid van onderwys beklemtoon as 'n manier om deure na 'n beter toekoms oop te maak.

‘Sonder ouers het ek gedink ek is niks’

“As Sassa-begunstigdes sien mense dikwels op ons neer, maar my storie bewys dat harde werk alles kan verander. Nadat ek sonder albei ouers grootgeword het, het ek regtig gedink dat ek niks sou word nie, maar hier is ek nou.

“Dit is ’n bevestiging en vervulling en aan die einde van 'n marathon te kom. Nadat ek my studie voltooi het, sal ek 'n gekwalifiseerde ingenieur wees, waarskynlik iewers spesialiseer. Miskien sal ek nog in Suid-Afrika of in die buiteland wees. Wie weet?

Sisipho Danisa se gesin is baie trots op haar prestasie. Foto verskaf

Sy het aan die North West Secondary School for the Deaf in Leeudoringstad gematrikuleer en is die eerste een in haar gesin wat matriek slaag.  

Haar ma, Khanyisa, het aan TimesLive gesê: “Niemand in ons gesin het al matriek geslaag nie, sy is die eerste een wat uitblink. Ons is gelukkig. Sy is ’n goeie kind en baie gefokus en gee ons nie probleme nie.”

Volgens Sisipho het sy nooit getwyfel dat sy sou slaag nie. “Ek het dit verwag. Ek was nie bekommerd oor my uitslae nie. Ek wou eers ’n dokter word, maar het handelsvakke geneem en toe besluit om ’n prokureur te word. Ek wil regte en sakebestuur aan die Universiteit van die Vrystaat studeer, want ek het gehoor dit het 'n vakbond vir dowes en daar is 'n tolk.”

 OFM Nuus/Christine van der Westhuizen dg