Die vier verdagtes in die ontvoering van ’n pastoor en sy vrou van Bethlehem bly in aanhouding ná ’n vlugtige verskyning in die Sasolburgse landdroshof. 

Tony Mahlangu (31), Andile Memane (31), Thabiso Makoe (34) en Xolani Ntsomi (41) doen na verwagting Maandag 16 September aansoek om borgtog. Die polisie hou hulle aan vandat hulle Sondag (25/8) in Sharpeville in hegtenis geneem is nadat die egpaar se voertuig in Sebokeng gevind is.

Past. Phillip (55) en Elsie (54) Mashudu en sy vrou is die Maandagaand ongedeerd in Everton gevind nadat hulle drie dae tevore as vermis aangemeld is, sê Mojalefa Senokoatsane, Vrystaatse NVG-woordvoerder.

Past. Phillip (55) en Elsie (54) Mashudu en sy vrou is die Maandagaand ongedeerd in Everton gevind. Foto: Facebook

“Die provinsiale taakspan het beslag gelê op verskeie bankkaarte by die adres (waar die egpaar gevind is), asook ’n aansienlike bedrag kontant en ’n speelgoedgeweer toe hulle die vierde verdagte in Evaton in hegtenis geneem het,” het Motantsi Makhele, Vrystaatse polisiewoordvoerder, destyds gesê.

Mashudu en sy vrou het Bethlehem Vrydag (23/8) in hul wit Mercedes-Benz GLS verlaat om Vrydag ’n kerkkonferensie op Parys by te woon, maar het nooit daar aangekom nie. Die weeldemotor is twee dae later in Sebokeng gevind.

OFM Nuus/Zenande Mpame mvh