Die span van CrossFit Resuelto, ’n fiksheidsentrum wat al ’n dekade in Bloemfontein bestaan, het van 31 Mei tot 2 Junie by Emerald Casino & Resort op Vanderbijlpark deelgeneem. 

Om vir hierdie byeenkoms te kwalifiseer, moes Robbie Heuer, Johan Kruger, Karla van Staden en Sherike van der Merwe verskeie fases slaag. Hulle het begin met die wêreldwye CrossFit Ope, gevolg deur die kwarteindronde. Die CrossFit Resuelto-span het ’n sewende plek in die kwarteindronde uit 30 spanne behaal.

Die kompetisie het die Vrydag met praktiese oefensessies begin en Saterdag met nog twee oefensessies voortgegaan.

Die span van CrossFit Resuelto is Johan Kruger, Karla van Staden, Robbie Heuer en Sherike van der Merwe. Foto verskaf

Die halfeindronde het bestaan uit spanne van twee mans en twee vroue. Die spanne is van Suid-Afrika, Egipte, Namibië en Zimbabwe.

“In elke oefensessie word punte toegeken op grond van jou posisie. Byvoorbeeld, eerste plek verdien 100 punte, vyfde plek verdien 80 punte, ens. Hierdie punte word opgetel om die finale ranglys te bepaal,” verduidelik Heuer.

Die punte wat oor die oefensessies toegeken word, bepaal die finale plasing, en alle spanne moet elke oefensessie voltooi. Van der Merwe woon in Kimberley; daarom was dit vir die span moeilik om gereeld saam te oefen. Hulle kon voor die kompetisie slegs vier keer saam oefen.

Robbie Heuer. Foto verskaf

“Een belangrike aspek wat hulle in hul voorbereiding gemis het, was om as ’n span saam te oefen,” sê Heuer. “In die wurmbeweging was die span se tydsberekening af omdat hulle dit nie genoeg saam geoefen het nie. Dit is iets wat hulle beoog om vir volgende jaar te verbeter deur te fokus op spankoördinasie en vertroudheid.”

 Johan Kruger. Foto verskaf

Ten spyte hiervan het hulle besonder goed gevaar in die kragoefening, waar spanne swaar gewigte gelig het. Hulle het sesde geëindig, al was hulle een van die ligste spanne.

Karla van Staden. Foto verskaf

Heuer sê hy is steeds trots op hul agtste plek in Afrika uit 30 spanne, veral in ag geneem hoe min hulle saam geoefen het. “Dit was ons eerste jaar wat ons aan so ’n groot byeenkoms deelgeneem het, maar beslis nie ons laaste nie.”

Sherike van der Merwe is ook ’n voltydse veearts. Foto: verskaf 

CrossFit Tiger Valley wat die eerste plek behaal het, sal in Augustus aan die CrossFit-spele in Amerika deelneem. “Ek hoop dat ons eendag as span ook die geleentheid sal kry om daar mee te ding. Ons sal hard oefen om daardie droom te bewaarheid.”

OFM Nuus dg