Business
Nuwe wetgewing fokus op werkskepping─── 07:39 Fri, 06 Dec 2024
Die minister van indiensneming en arbeid sê sy is bly om aan te kondig dat die Wysigingswet op Gelyke Indiensneming, om die regulatoriese las vir klein werkgewers te verminder, op Nuwejaarsdag, 1 Januarie 2025, in werking sal tree.
Minister Nomankhosazana Meth sê dit sal kleiner besighede in staat stel om meer op werkskepping te fokus.
President Cyril Ramaphosa het die EEAA op 14 April 2023 onderteken en ’n paar veranderinge aan die EEA van 1998 aangebring.
Die departement sê ingevolge die kennisgewing wat op 28 November 2024 in die Staatskoerant gepubliseer is, is klein besighede wat minder as 50 werknemers in diens het, nie meer verplig om aan Hoofstuk III van die Wet op Gelyke Indiensneming, 1998 (EER) te voldoen nie, byvoorbeeld met betrekking tot die indiening van hul EE-verslae vanaf die 2025 EE-verslagtydperk.
Employers may be in a strong position in 2025 and beyond to avoid implementation of racial hiring quotas under the Employment Equity Amendment Act (EEAA).
— Sakeliga (@Sakeliga) December 6, 2024
But action is still required.
Here’s how you can help Sakeliga ??
Die hoofdoelwitte van die gewysigde wet oor gelyke indiensneming is soos volg:
- om die regulatoriese las vir klein werkgewers (werkgewers wat tussen 1 en 49 werknemers in diens het) te verminder sal uitgesluit word van die nakoming van die bepalings van Hoofstuk III van die EE-wet;
- om die minister te bemagtig om die sektorspesifieke numeriese EE-teikens te reguleer;
- om artikel 53 af te kondig; en
- om nakoming te versterk, insluitend die uitreiking van EE-voldoeningsertifikate.
Minister Meth het gesê sy is positief dat die regulatoriese buigsaamheid klein besighede in staat sal stel om nou daarop te fokus om hul besighede te laat groei en werk te skep.
