Central SA
Upington- en Keimoes-inwoners ruk op na hof─── 15:57 Mon, 13 Jan 2020
PHOTO: Roderick Titus
Groot getalle inwoners van Keimoes en Rosedale in Upington in die Noord-Kaap het vanoggend voor die Landdroshof uit protes byeengekom.
Die verdagte in die moord van ‘n plaaslike polisiebeampte, Stefano Visagie, het vanoggend in die hof verskyn. Die verdagte – ‘n Nigeriese immigrant, word aangekla vir die mesdood van Visagie wat verlede week dié dorp geruk het. Hy het sy verwagte borgaansoek laat vaar.
Die polisie het betogende inwoners – wat dreig om buitelanders uit hulle woonbuurte te verjaag - gewaarsku om kalm te bly. Die saak is tot die 23ste Maart vanjaar uitgestel.
OFM-nuus/Roderick Titus
