Landbouminister John Steenhuisen het gereageer oor die Nasionale Voedsel- en Voedingsekerheid-opname wat deur die Raad vir Geesteswetenskaplike Navorsing (HSRC) gedoen is.

In reaksie op die verslag, het hy sy kommer uitgespreek oor die omvang van voedselonsekerheid regoor Suid-Afrika. “Dit was skokkend om te sien hoeveel mense regoor die land voedselonsekerheid ervaar. Veral die statistieke oor kinderondervoeding en vetsug was opvallend.”

[ON AIR] Agriculture Minister John Steenhuisen in conversation with @BraDanTMoyane on the National Food and Nutrition Security Survey conducted by the Human Sciences Research Council.#TheSouthAfricanMorning #eNCA #DStv403 pic.twitter.com/6NlqZAbbnd

— eNCA (@eNCA) October 10, 2024

Luidens die verslag is daar steeds te veel mense wat honger gaan slaap, insluitend kinders wat sonder ontbyt skool toe gaan, en volwassenes wat nie genoeg kos het om produktief by die werk te wees nie.

“Hoewel voedsel in sekere gevalle wel beskikbaar is, is die kwaliteit en balans van dié kos nie op standaard nie. Te veel mense kry nie elke dag ’n gebalanseerde dieet nie.”

Die verslag beklemtoon dat die kwessie van voedselonsekerheid steeds een van die grootste uitdagings vir Suid-Afrika is. Dringende ingryping is nodig om gesondheid en voeding vir alle burgers te verbeter.

OFM Agri/Robyn Schutte cg