Agriculture
Agri-Uur: Jongste Safex-nuus─── 05:00 Mon, 18 Apr 2022
Hierdie verslag word deur Graan SA (GSA) verskaf.
Mielies:
Die CBOT-mieliekontrakprys vir die naaste handelsmaand het Donderdag met 0,9% gestyg.
Die weeklikse etanolproduksieverslag het aangedui dat produksie vir die tweede keer in 2022 onder 1 miljoen vate per dag gedaal het. President Joe Biden het die testament verleng wat dit moontlik maak vir etanolproduksie nou deur die somer.
Die plaaslike SAFEX-mieliekontrakte het opwaarts verhandel vir beide wit- en geelmieliekontrakte. Die witmieliemark het, vir lewering in Julie 2022, R47/ton (+ 1,14%) gestyg om teen R4 172/ton te sluit. Die geelmieliemark het vir lewering in Julie 2022, R38/ton (+ 0,89%) hoër te verhandel en teen R4 300/ton te sluit.
Die weeklikse SAGIS-produsenteleweringsverslag het aangedui dat vir die week geëindig 08 April 'n totaal van 15 905 ton witmielies gelewer is.
Sojaboon:
Die CBOT-sojaboonkontrakprys vir die naaste handelsmaand het Donderdag met 0,3% gestyg.
China, wat die wêreld se grootste invoerder is, het in Maart 6 349 336 ton sojabone gekoop, wat 18% onder die jaar-tot-jaar-gemiddelde was. Brasilië se ANEC het hul uitvoerskattings vir April tot 12 023 731 ton verhoog. Dit is 8,1% hoër as die vorige weke se skatting.
Die binnelandse sojaboonkontrakte het Donderdag met skerp opwaartse tendense verhandel. Die plaaslike sojaboonmark het vir lewering in Mei 2022 met R111/ton (+ 1,24%) hoër verhandel om uiteindelik te sluit op R9 090/ton.
Weeklikse SAGIS-produsentelewerings vir sojabone is tot verdere kennisgewing opgeskort. Dit is as gevolg van onvoldoende vrystellings van bedryfsdata om 'n akkurate voorstelling van die aflewerings te publiseer.
Koring:
Die CBOT-koringkontrakprys vir die naaste handelsmaand het Donderdag met 0,9% gestyg.
Die binnelandse koringkontrakte het skerp opwaarts verhandel. Die plaaslike koringmark het vir lewering in Mei 2022 met R72/ton (+ 1,03%) hoër verhandel om uiteindelik te sluit op R7 045/ton.
Die weeklikse SAGIS-produsenteleweringsverslag het aangedui dat vir die week geëindig 8 April 'n totaal van 4 841 ton koring gelewer is. Die totale koring wat tot verlede week kommersieel ontvang is, het 2 185 100 ton beloop.
Vir meer inligting oor die huidige kommoditeits mark, besoek gerus Graan SA se webtuiste.
