Agriculture
Vrystaat Landbou wys sy bestes aan─── 11:50 Fri, 11 Aug 2017
Bloemfontein - Agri-Hertzogville is gisteraand op Vrystaat Landbou se kongresdinee vir die tweede agtereenvolgende jaar as VL se beste landbouvereniging aangewys.
Dié vereniging, onder die leierskap van die egpaar Marius en Tania Groenewald, was voorverlede jaar die naaswenner en voor dit vir drie jaar agtereenvolgens ook die wenner.
VL se beste streekverteenwoordiger is Willie Weich van die gebied Hertzogville, Dealesville en Boshof.
Die Bloemfonteiner Gert Nel is met VL se hoogste oorkonde vereer vir sy diens van 15 jaar aan die VL-finansieskomitee en VL se bedryfshoof, Jack Armour, het ook dié spesiale eerbewys ontvang.
VL se vise-president, Francois Wilken, het op die prysuitdeling hulde aan die Vrystaat en land se boere gebring en hulle geloof vir hulle standvastigheid in moeilike landboutye.
Dirk Kok/OFM-nuus
VL se Francois Wilken bedank SA se boere:
