Local News
NDBV help met verminkte beeste─── CHRISTAL-LIZE MULLER 07:31 Tue, 24 Jul 2018
In nog 'n voorval in Gauteng ondersoek die polisie in Cullinan, in samewerking met die Nasionale Dierbeskermingsvereniging (NDBV), 'n grusame voorval waarin beweerde gesteelde beeste lewend geslag en agtergelaat is.
Nasionale inspekteur van die NDBV se plaasdiereenheid, Collette Barnard, sê met hulle aankoms by 'n konstruksieperseel in De Wildt, Gauteng, is twee verminkte beeste en 'n kalwer lewend gevind. Hul bene is gekap. Twee ander beeste was reeds dood. Barnard sê die polisie se K9-eenheid het die beeste uit hul lyding verlos. Barnard sê 'n dossier is deur die polisie geopen en dieremishandeling word ook ondersoek. Die uitvoerende direkteur van die NDBV het vroeër aan OFM-nuus gesê insidente van dieremishandeling oor die land heen is aan die toeneem.
OFM-nuus
