Local News
Laerskool Mooirivier hou omgee-dag─── 11:52 Mon, 17 Feb 2014
Potchefstroom - Laerskool Mooirivier se hoofleiers vir die eerste kwartaal het besluit om van Valentynsdag 'n omgee-dag te maak.
Daar is 'n kompetisie uitgeskryf vir "omgee"-gediggies en al die Tokkies het pakke koekies bygedra. Mandjies vol koekies is saam met die gediggies op Donderdag 13 Februarie deur die hoofleiers by vier ouetehuise in die dorp afgelewer.
By Mooirivier se Valentynsdag-vieringe op Vrydag 14 Februarie het die hoofleiers foto's aan die leerders en onderwysers vertoon van die omgee-gebaar aan die ouetehuise en 'n Mnr. en Mej. Omgee is vir elke klas aangewys.
Hulle het ook 'n verbeeldingryke dansie vir die skool uitgevoer.
Geskenke is uitgedeel by vier ouetehuise
Fotos: Verskaf
