International
Suid-Afrikaanse vrou ontsnap uit kloue van Thaise mensehandelaars─── 09:48 Mon, 19 Aug 2024
![Suid-Afrikaanse vrou ontsnap uit kloue van Thaise mensehandelaars Suid-Afrikaanse vrou ontsnap uit kloue van Thaise mensehandelaars | News Article](https://oscar.ofm.co.za/img/cc0ed865-8e29-4f66-b219-102052ffa484.jpg?crop=0,0,800,450)
“Beslag is gelê op hul paspoorte en hulle is aangesê dat hulle minstens drie jaar as prostitute sou werk.”
Die departement van internasionale betrekkinge en samewerking (Dirco) het weer ’n slagoffer van mensehandel in Thailand gered.
Please share contact numbers. Let's find our sisters & bring them home. ***Public Announcement****
— Clayson Monyela (@ClaysonMonyela) August 18, 2024
Please don't fall for unsolicited job & study offers abroad. There are too many scams & human traffickers. If any offer looks too good to be true, it probably is. Find & inform SA????… https://t.co/UGKmj9M9nH
Die vrou en haar niggie is in ’n lokval gelei met ’n mensehandelbedrogspul wat as ’n werkgeleentheid in Thailand voorgehou is, sê Clayson Monyela, Dirco-woordvoerder. Die voornemende werkgewers het vliegkaartjies na Thailand vir die vrou en haar niggie gekoop. Nadat hulle op die lughawe geland het, is hulle twaalf uur lank vervoer na ’n bestemming buite Thailand.
“Beslag is gelê op hul paspoorte, en hulle is aangesê dat hulle minstens drie jaar as prostitute sou werk,” sê Monyela. Die een vrou het ontsnap nadat sy gejok het oor ’n seksueel oordraagbare infeksie. Die werkgewers het haar teruggeneem lughawe toe met ’n retoervliegkaartjie, wat geblyk het vals te wees.
Die vrou het dae lank op die lughawe geslaap voordat sy hulp ontvang het. Sy is nou veilig, maar niemand weet wat van haar niggie geword het nie. “Ek het net met die dame gepraat. Sy is veilig. Ons kry vir haar ’n vliegtuigkaartjie om terug huis toe te vlieg. Sy het prostitusie vrygespring deur te lieg dat sy ’n seksueel oordraagbare siekte het.
“Alles wat vir haar en haar ‘niggie’ belowe is, was leuens. Die saak van haar niggie is by die polisie aangemeld. Ons ambassade sal die vordering daarvan moniteer,” het Monyela gesê.
South African man who had been stuck in Thailand after job scam, is back home. pic.twitter.com/yRChP0vVfm
— MDN NEWS (@MDNnewss) June 24, 2023
“Waarsku asseblief jou familielede: Mensehandel is ’n werklikheid. Moet asseblief nie val vir ongevraagde werks- en studieaanbiedinge in die buiteland nie. Daar is te veel swendelary en mensehandelaars.
“As ’n aanbod te goed lyk om waar te wees, is dit waarskynlik ’n bedrogspul. Vind en lig ’n Suid-Afrikaanse ambassade in van jou teenwoordigheid in enige vreemde land. Die ambassade is jou huis weg van die huis.”
OPERATION SWIFT TOWER: O.U.R. Operators worked with members of the Anti-Trafficking in Persons Division (ATDP) of the Royal Thai Police to go undercover and rescue a 15-year-old girl who was identified as being sold for sex by an adult female. pic.twitter.com/da6B5zxUhr
— OUR Rescue (@OURrescue) October 3, 2020
The Herald het onlangs met die private ondersoeker Mike Bolhuis gesels wat ook ’n paar wenke gee oor hoe om jouself te beskerm in geval van ontvoering en hoe om die nasleep te hanteer. Die mensehandelsindikate werk egter ook in Suid-Afrika.
In die 2024-verslag oor mensehandel deur die Amerikaanse departement van buitelandse sake is verlede week onthul dat mensehandelaars buitelandse en slagoffers in Suid-Afrika uitbuit.
I just got a call about a young woman from Limpopo who also fell victim to a job scam (English teacher) in Thailand. Please warn young people in your circles not to fall for these scams. Contact @DIRCO_ZA before you accept overseas job offers. Human trafficking is real. I've… https://t.co/bLyDbk0UVA
— Clayson Monyela (@ClaysonMonyela) June 13, 2023
Hulle werf slagoffers van buurlande en die Suid-Afrikaanse platteland en buit hulle uit in sekshandel in stede soos Johannesburg, Kaapstad, Durban en Bloemfontein.
“Mensehandelaars dwing volwassenes sowel as kinders, veral dié van sosiaal-ekonomies benadeelde gemeenskappe en die platteland, sowel as migrante, tot bedel, huishoudelike dienste, mynbou, voedseldienste, konstruksie, kriminele dinge, landbou en die visserysektor,” lui die verslag.
“Mensehandelaars werf buitelandse sowel as Suid-Afrikaanse slagoffers deur middel van vals werkadvertensies op sosiale media en geklassifiseerde advertensieforums, insluitend advertensies vir webkameramodellering, gasvryheid, mynbou en huishoudelike werk. Sommige vals advertensies, veral vir huiswerk, versoek Zimbabwiese of Malawiese aansoekers.”
OFM Nuus cg