Entertainment
Ontmoet Rhona van Die Real Housewives van Pretoria─── 09:50 Tue, 01 Nov 2022
Die Real Housewives van Pretoria het sedert die eerste episode op 13 Oktober 2022 die tonge behoorlik laat klap.
Hierdie nuwe aksie- en drama belaaide reeks speel af in Pretoria, waar ses vroue hul mooiste en duurste pare stiletto's afstof om kykers te vermaak. Die rolverdeling sluit in “housewives” Renske Lammerding, Marié Bosman, Talana Kuhn, Mel Viljoen, Kiki La Coco en Rhona Erasmus.
Vanoggend op Mid-Morning Magic gesels Yolanda Maartens met Rhona, wie onlangs in die kollig was nadat Mel se opmerkings sosiale media op hol gehad het.
Volgens DStv kan kykers 'n onbeplande wedren in luukse voertuie, 'n dramatiese staptog, Botoks, hiënas, 'n aksiebelaaide reis na Zanzibar, en baie perde verwag!
Vang Die Real Housewives van Pretoria elke Donderdag om 20:00 op kykNET DStv-kanaal 144.
