In ’n verklaring laat Vrydag sê die kortvideoplatform die Withuis en die departement van justisie het “versuim om die nodige duidelikheid en versekering aan die diensverskaffers te verskaf wat ’n integrale deel van die handhawing van TikTok se beskikbaarheid is”.

Tensy die regering onmiddellik ingryp om die video-app te verseker dat hy nie gestraf sal word vir die oortreding van die dreigende verbod nie, sal hy “gedwing word om op 19 Januarie donker te word”.

President Joe Biden will not enforce the TikTok ban set for January 19, leaving the decision to President-elect Donald Trump. The law requires ByteDance to divest from TikTok, but Trump’s team signals a willingness to negotiate instead of enforcing an immediate ban.#TikTokBan pic.twitter.com/d4KfcBLgsC

— CGTN Europe (@CGTNEurope) January 17, 2025

Die verklaring volg op ’n uitspraak van die hooggeregshof vroeër Vrydag wat ’n wet handhaaf wat die toepassing in die VSA verbied, tensy sy Chinese moedermaatskappy, ByteDance, die platform teen Sondag verkoop.

Die wet, wat in April verlede jaar goedgekeur is, sê ByteDance moet die Amerikaanse weergawe van die platform aan ’n neutrale party verkoop om ’n volstrekte verbod te voorkom.

TikTok het die wet uitgedaag en aangevoer dat dit die beskerming van vryheid van spraak vir sy 170 miljoen gebruikers in die land skend.

The justices ruled that the law furthers the interest of national security and that banning TikTok doesn’t burden “substantially more speech than necessary” to accomplish this. https://t.co/fQtluf4ZHS

— FORTUNE (@FortuneMagazine) January 18, 2025

Maar die uitspraak van die hooggeregshof beteken dat die Amerikaanse weergawe van die toepassing nie bekom sal kan word nie, tensy ’n koper in die komende dae gevind word.

Daar word geredeneer dat die verbod nie TikTok-gebruikers sou beïnvloed wat reeds die toepassing op hul foon afgelaai het nie.

Maar aangesien opdaterings nie beskikbaar sal wees sodra die verbod in werking tree nie, sal die toepassing uiteindelik agteruitgaan en mettertyd onbruikbaar word. TikTok se nuwe verklaring Vrydag dui egter daarop dat dit onmiddellik onbeskikbaar kan wees vir alle bestaande gebruikers sowel as diegene wat dit wil aflaai.

The Growing Concerns Around TikTok in the USA

TikTok has become a dominant platform, but its future in the U.S. faces scrutiny. Policymakers argue that the app, owned by China-based ByteDance, poses significant national security risks, alleging potential data misuse and… pic.twitter.com/obQ6IZ49Rj

— Kusumo Arief Atmojo (@ariefatmojo_) January 18, 2025

Beïnvloeders en inhoudskeppers het video’s op die toepassing geplaas om afskeid te neem van hul volgelinge voor die naderende verbod.

Een skepper, Nicole Bloomgarden, het aan die BBC gesê om nie op TikTok te wees nie, sal ’n aansienlike salarisverlaging meebring, terwyl ’n ander, Erika Thompson, gesê het die opvoedkundige inhoud op die platform sal die "grootste verlies" vir die gemeenskap wees.

Sommige gebruikers het aangekondig waar hul inhoud volgende beskikbaar sal wees om te sien, insluitend op die Chinese videotoepassing Red Note, wat tot dusver min deur Amerikaanse gebruikers gebruik is.

OFM Nuus cg