’n Laerskool in Heidedal, Bloemfontein, is Vrydagoggend (23/8) gedwing om sy deure toe te hou nadat woedende inwoners weer betoog het teen die skool se waarnemende hoof, vir wie hulle van rassisme en finansiële wangedrag beskuldig.

‘Onderwysers en leerders toegang tot die skoolterrein geweier’

Die sluiting Woensdag (21/8) van die Primêre Skool Olympia het daartoe gelei dat onderwysers en leerders toegang tot die skoolterrein geweier is toe inwoners die ingang versper het, gesing en buitebande voor die skoolhek gebrand het.

Ouers is ontbied om hul kinders te kom haal, wat saam met onderwysers buite die skoolperseel gestaan het terwyl die betogers voortgegaan het met hul optrede. Die polisie het ’n swaar teenwoordigheid gehandhaaf. Maar ondanks volgehoue spanning terwyl die verwydering van Maggie Lebakeng, waarnemende skoolhoof, geëis is, was die betoging vreedsaam.

Die betoging is die gevolg van diepgewortelde ontevredenheid met Lebakeng se leierskap, meen Remington Louw, ’n sekretaris van die nasionale burgerorganisie Sanco en self ’n ouer.

‘Ons glo dat sy ’n rassis is’

“Ons is van hier,” het hy Vrydag (23/8) gesê, “omdat ons ontevrede is met die huidige waarnemende skoolhoof. Ons glo dat sy ’n rassis is. Ons glo dat sy die skool se finansies misbruik.

“Ons glo ook dat sy hoogs diskriminerend teenoor ons bruin gemeenskap is, want sy het op Facebook geplaas en gesê dat bruin opvoeders ondergekwalifiseerd en lui is; daarom is die skool se uitslae so swak.”

Van Lebakeng se ander neerhalende opmerkings op sosiale media is dat bruin mense na die Wes-Kaap moet verhuis.

Die Vrystaatse onderwysdepartement het intussen die eise van ouers en die gemeenskap verwerp en gesê in sy ondersoek is geen bewyse gevind het om die bewerings te staaf nie nie.

Howard Ndaba, onderwyswoordvoerder, het die voorval Woensdag (21/8) as ’n jammerte beskryf. Hy het bevestig dat die departement die beskuldigings teen Lebakeng ondersoek het, maar die bewerings ongegrond gevind het.

Inwoners het buitebande voor die skoolhek gebrand. Foto: Kekeletso Mosebetsi

In reaksie is Ndaba se bewering verwerp dat aantygings teen Lebakeng ondersoek is. Hy beskuldig die departement daarvan dat hy die gemeenskap om die bos probeer lei.

“Die departement moet ophou om die gemeenskap en die samelewing te mislei, want hulle het nooit ’n verbintenis gemaak om ’n behoorlike ondersoek te begin nie. Hoe kan jy ondersoek instel met die verdagte wat nog op die perseel is?

“Sy sal outomaties daardie prosesse beïnvloed sodat die resultate [haar sal affekteer]. Daar was geen ondersoek wat tussen die gemeenskap en die departement van onderwys bespreek is nie.”

Louw het ook frustrasie uitgespreek oor die gebrek aan kommunikasie van die departement. Die gemeenskap is terugvoering van die distriksdirekteur van die Vrystaatse onderwysdepartement beloof nadat hy die afgelope Woensdag (21/8) ’n memorandum ingedien het.

‘Die gemeenskap wil sien dat Lebakeng die trekpas kry’

Tot dusver is geen reaksie ontvang nie, ten spyte van ’n lang vergadering Donderdag (22/8) tussen die skoolbeheerliggaam en die departement.

“Die gemeenskap wil oor niks anders onderhandel as om te sien dat Lebakeng die trekpas kry nie,” sê Louw.

OFM Nuus het navrae na die Vrystaatse departement van onderwys gestuur.

OFM News/Kekeletso Mosebetsi cg